6 лютага ў рамках XXVII Мінскай міжнароднай кніжнай выставы-кірмашу адбылася прэзентацыя заключнай часткі рамана-дылогіі Наталлі Батраковай “Миг бесконечности” – “Миг бесконечности 2. Бесконечность любви, бесконечность печали” выдавецтва EXCELLENT.
Мерапрыемства адкрыў намеснік міністра інфармацыі Рэспублікі Беларусь Ігар Бузоўскі, звярнуўшы ўвагу на ўклад Наталлі у папулярызацыю беларускай літаратуры.
Інга Бекіш, кіраўнік Цэнтральнай кнігарні г. Мінска, адзначыла, што па выніках 2019 г. раман пісьменніцы “Бесконечность любви, бесконечность печали. Книга вторая” заняў першае месца ў рэйтынгу папулярнасці “Белкнігі”.
Анастасія Маслоўская, загадчыца сектара Нацыянальнай бібліятэкі Беларусі, падзялілася вынікамі сацыялагічнага даследавання, згодна з якім Наталля Батракова ўзначальвае спіс любімых аўтараў сярод карыстальнікаў публічных бібліятэк Беларусі, а тры яе бестселера “Территория души”, “Миг бесконечности” і “Площадь согласия” займаюць верхнія радкі ў топе-10 любімых твораў.
Лола Званарова, прафесар, пісьменнік, літаратуразнаўца, заўважыла, што проза Наталлі – гэта “ўнікальнае злучэнне авантурнасці і пачуццёвасці. Свежае слова пра лёс жанчыны ў постсавецкі перыяд”.
Павіншаваў аўтара і Міхаіл Пазнякоў, старшыня Мінскага гарадскога аддзялення Саюза пісьменнікаў Беларусі.
У канцы прэзентацыі для чытачоў прайшла аўтограф-сесія.
Матэрыял прадастаўлены навукова-даследчым аддзелам бібліятэказнаўства.