26 сакавіка ў бібліятэцы адбудзецца прэзентацыя кнігі “Беларусь замкавая” выдавецтва “Бяловагруп”.
Выданне выканана ў фармаце фотаальбома і з'яўляецца першым маштабным праектам беларускага кнігавыдавецтва XXI стагоддзя, прысвечаным помнікам манументальнага дойлідства. Работа над кнігай аб'яднала вядучых гісторыкаў і фатографаў краіны з мэтай стварэння актуальнай хронікі замкавай культуры Беларусі.
У выданне ўвайшлі ўнікальныя аўтарскія фатаграфіі, картаграфічная, архіўная і музейная інфармацыя з айчынных і замежных крыніц, гістарычныя малюнкі і гравюры. Фотаальбом выкананы на высокім мастацкім узроўні з разваротнымі панарамамі Нясвіжскага, Мірскага, Гродзенскага і Крэўскага замкаў, тэкст кнігі падаецца на рускай і англійскай мовах.
У рамках прэзентацыі будзе прадстаўлена выстаўка-прагляд навуковых, навукова-папулярных і літаратурна-мастацкіх выданняў з фонду Нацыянальнай бібліятэкі Беларусі, прысвечаных замкавай спадчыне беларускай зямлі.
Прэзентацыя адбудзецца а 16-й гадзіне ў галерэі “Лабірынт” (3-ці паверх).
Тэлефоны для даведак: (8 017) 293 27 56, 293 29 80.
Е-mail: pr@nlb.by