ГалоўнаяНавіныНавіны Нацыянальнай бібліятэкі Беларусі
Топ-9 мясцін Беларусі, дзе адбываліся літаратурныя сюжэты, альбо Як апынуцца ў кнізе?
Алічбаваны альбом “Фоталетапіс з хатняга архіва Яна Скрыгана”

Прэзентацыя альманаха “Казахстан – Беларусь” і сустрэча пісьменнікаў дзвюх краін

Прэзентацыя альманаха “Казахстан – Беларусь” і сустрэча пісьменнікаў дзвюх краін
Іншыя навіны

14 чэрвеня ў Нацыянальнай бібліятэцы прайшла прэзентацыя першага ў гісторыі казахстанска-беларускага супрацоўніцтва літаратурна-мастацкага альманаха “Казахстан – Беларусь” і адбылася сустрэча пісьменнікаў дзвюх краін.

Арганізатары мерапрыемстваў – Пасольства Рэспублікі Казахстан у Рэспубліцы Беларусь і Нацыянальная бібліятэка Беларусі.

Літаратурны зборнік выдадзены пры садзейнічанні пасольства напярэдадні 30-годдзя здабыцця краінамі незалежнасці.

Асаблівасць выдання заключаецца ў тым, што яно з’яўляецца трохмоўным (матэрыялы прадстаўлены на казахскай, беларускай і рускай мовах) і адлюстроўвае шматгадовае міждзяржаўнае, літаратурнае і культурнае супрацоўніцтва суверэнных Казахстана і Беларусі ва ўсіх аспектах гісторыка-культурнай пераемнасці. Яго раздзелы перакладаў, прозы і паэзіі ўтрымліваюць тэксты казахскіх і беларускіх аўтараў – Абая Кунанбаева, Янкі Купалы, Уладзіміра Караткевіча, Олжаса Сулейменава, Міколы Мятліцкага, Мурата Аўэзава, Нурлана Аразаліна, Алеся Карлюкевіча, Улугбека Есдаўлета, Валерыя Міхайлава, Бахытжана Канап’янава, Галыма Жайлыбая, Любові Шашковай, Святланы Ананьевай, Алеся Бадака. Усяго зборнік змяшчае творы каля 70 аўтараў дзвюх краін.

kazakhstan_3.jpg

Выдадзены пісьменніцкімі супольнасцямі Казахстана і Беларусі зборнік лепшых высокамастацкіх і высокадухоўных твораў – годны ўклад у захаванне сяброўскіх адносін паміж нашымі краінамі і народамі.

Прэзентацыя альманаха адбылася ў афлайн-рэжыме. З залы Нацыянальнай акадэмічнай бібліятэкі Рэспублікі Казахстан у г. Нур-Султан праходзіла трансляцыя і сустрэча пісьменнікаў у анлайн-фармаце на платформе Zoom.

kazakhstan_5.jpg

Адкрыла мерапрыемства генеральны дырэктар Нацыянальнай бібліятэкі Беларусі Аксана Кніжнікава: “Апошнім часам адносіны паміж нашымі краінамі развіваюцца дынамічна. Пра гэта сведчыць шэраг міжнародных пагадненняў, а таксама падпісаны мемарандум аб супрацоўніцтве паміж Міністэрствам культуры Рэспублікі Беларусь і Міністэрствам культуры і спорту Рэспублікі Казахстан. На працягу доўгіх гадоў нашы бібліятэкі супрацоўнічаюць у галіне дакументазнаўства, кнігазнаўства і дакументаабмену. Сённяшняя сустрэча з’яўляецца важным этапам супрацоўніцтва паміж нашымі краінамі і культурамі. Таму мы павінны не толькі захаваць тое, што ўжо напрацавалі, але рухацца далей, прымнажаючы вынікі”.

Надзвычайны і Паўнамоцны Пасол Рэспублікі Казахстан у Рэспубліцы Беларусь Аскар Бейсенбаеў у сваім выступленні падкрэсліў, што дзякуючы сумесным намаганням кіраўніцтва Казахстана і Беларусі культурны дыялог паміж нашымі краінамі гучыць усё званчэй і больш упэўнена. У прыватнасці, пры садзейнічанні дыпламатаў на беларускую мову перакладаюцца лепшыя ўзоры літаратурнай спадчыны Казахстана: “Перакананы, што гэтыя мерапрыемствы культурнага жыцця паслужаць скрэпай ва ўзаемаадносінах нашых народаў, якія маюць не толькі агульную гісторыю, але і агульнасць духоўных сувязей, якія вызначаюць будучыню нашых народаў”.

Таксама ўдзел у мерапрыемстве ўзялі галоўны спецыяліст упраўлення культуры і народнай творчасці Міністэрства культуры Алена Беразоўская, галоўны рэдактар выдавецкага дома “Звязда”, літаратуразнаўца, журналіст Алесь Карлюкевіч, першы намеснік старшыні Саюза пісьменнікаў Беларусі Алена Стэльмах, намеснік галоўнага рэдактара часопіса “Простор”, складальніца літаратурна-мастацкага альманаха “Казахстан – Беларусь” Любоў Шашкова, прадстаўнікі творчай інтэлігенцыі, знакамітыя пісьменнікі і паэты.

У рамках мерапрыемства госці маглі азнаёміцца з выставай-праглядам выданняў, прысвечаных літаратурным сувязям дзвюх краін.

Матэрыял пададзены аддзелам сувязей з грамадскасцю.

Навіны

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага

27 Ліп 2021

27 ліпеня ў Нацыянальнай бібліятэцы адбылося пленарнае пасяджэнне выставачна-асветніцкага мерапрыемства, прысвечанага 200-годдзю з дня нараджэння Ф.М. Дастаеўскага, і адкрыццё фотавыставы “Пецярбург Дастаеўскага”.

Навіны Нацыянальнай бібліятэкі Беларусі

“Ян Баршчэўскі, які любіў Бога, прыроду і людзей” – выстава ў музеі кнігі (+відэа)

23 Ліп 2021

22 ліпеня ў музеі кнігі Нацыянальнай бібліятэкі Беларусі адбылося адкрыццё выставы “Ян Баршчэўскі, які любіў Бога, прыроду і людзей”, на якой упершыню дэманструюцца разам аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.

Навіны Нацыянальнай бібліятэкі Беларусі

Садовае чараўніцтва: як Сесіль Мэры Баркер і кветкавыя феі змянілі кніжную ілюстрацыю

23 Ліп 2021

Вы калі-небудзь звярталі ўвагу, якія добрыя ілюстрацыі ў дзіцячых кнігах? Яны лёгкія, пяшчотныя, прыемныя воку і сэрцу – адно задавальненне... Праўда, мы зусім не ўспрымаем іх усур'ёз. У рэшце рэшт, гэта ж для дзяцей, а значыць, там шмат спрашчэнняў, умоўнасцей і зусім ніякай сур'ёзнасці, так? А вось і не. Кніжная ілюстрацыя можа быць сур'ёзнай, дакладнай і нават цалкам навуковай – не губляючы пры гэтым свайго чараўніцтва. Сёння мы пагаворым пра Сесіль Мэры Баркер, сапраўдную каралеву кветкавых фей, і пра батанічную ілюстрацыю.

Аўтарскі погляд

23 Ліп 2021

Пра бібліяаптэку мы яшчэ пагаворым. А зараз – пра рэчы не менш важныя. Свой першы твор Янка Купала напісаў па-польску, Якуб Колас – па-руску. Але кожны вярнуўся да родных вытокаў. Рашуча і канчаткова. Так бусел вяртаецца з выраю менавіта ў сваю буслянку…

Навіны бібліятэк

22 Ліп 2021

Унучка і праўнучка пісьменніка падрыхтавалі кнігу «Ясная зорка Якуба Коласа», што выходзіць у выдавецтве «Мастацкая літаратура». Яе гераіня – Марыя Дзмітраўна Міцкевіч, жонка класіка беларускай літаратуры.

Навіны бібліятэк

Бібліятэкарам