23 снежня ў Нацыянальнай бібліятэцы Беларусі адбылася прэс-канферэнцыя прэзідэнта Рэспублікі Беларусь А.Р. Лукашэнкі для прадстаўнікоў беларускіх і замежных сродкаў масавай інфармацыі.
Размова кіраўніка дзяржавы з журналістамі працягвалася больш за чатыры гадзіны. За гэты час Аляксандр Рыгоравіч Лукашэнка адказаў прыкладна на 50 пытанняў.
Пытанні датычыліся сацыяльна-эканамічнага развіцця краіны, асобных галін, унутранай і знешняй палітыкі Беларусі, розных аспектаў ва ўзаемаадносінах з Расіяй, Еўрасаюзам, іншымі краінамі і рэгіёнамі. Прэзідэнт таксама падзяліўся з журналістамі сваім бачаннем сучаснай сітуацыі ў свеце.
На прэс-канферэнцыю былі акрэдытаваны каля 400 журналістаў з больш за 300 сродкаў масавай інфармацыі, як дзяржаўных, так і недзяржаўных, а таксама замежных.
