18 красавіка ў Нацыянальнай бібліятэцы Беларусі прайшоў круглы стол “Праблемы падрыхтоўкі спецыялістаў у сферы інфармацыі і камунікацыі”.
Круглы стол арганізаваны сумесна Беларускім дзяржаўным ўніверсітэтам, Беларускім дзяржаўным ўніверсітэтам культуры і мастацтваў, Беларускім навукова-даследчым інстытутам дакументазнаўства і архіўнай справы і Нацыянальнай бібліятэкай Беларусі.
Пад час работы круглага стала абмяркоўваліся тэарэтыка-тэрміналагічныя праблемы дакументазнаўства, архівазнаўства і сумежных дысцыплін, а таксама міждысцыплінарныя сувязі ў падрыхтоўцы спецыялістаў у інфармацыйна-камунікацыйнай сферы (дакументазнаўцаў, архівістаў, бібліятэкараў-бібліёграфаў і інш.).
У пасяджэнні круглага стала ўзялі удзел спецыялісты архіўнай, бібліятэчнай справы, выкладчыкі і аспіранты вышэйшых навучальных устаноў Мінска, а таксама запрошаныя спецыялісты з Украіны.