У 2018–2020 гг. для партнёраў віртуальнай чытальнай залы Нацыянальнай бібліятэкі Беларусі пры публікацыі артыкулаў у часопісах адкрытага доступу выдавецтва Taylor & Francis прадастаўляецца скідка ў памеры 50 % на аплату затрат па апрацоўцы артыкулаў (APC – Article processing charges).
Гэта стала вынікам цеснага супрацоўніцтва Савета бібліятэк Беларусі па інфармацыйным узаемадзеянні з міжнародным кансорцыумам EIFL (Electronic Information for Libraries) па папулярызацыі ініцыятывы адкрытага доступу адносна навукова-адукацыйных рэсурсаў.
Адкрыты доступ спрыяе паляпшэнню бачнасці навуковых публікацый для іншых даследчыкаў, павышэнню паказчыкаў іх цытавання, а таксама больш актыўнаму выкарыстанню навуковых рэзультатаў у грамадстве.
Кампанія Taylor & Francis уваходзіць у пяцёрку вядучых сусветных выдавецтваў навуковай перыёдыкі і актыўна падтрымлівае ініцыятыву адкрытага доступу. У часопісах Taylor & Francis публікуюцца артыкулы па шырокім спектры навуковых дысцыплін – прыродазнаўчых, тэхнічных, гуманітарных і грамадскіх. Па стане на снежань 2018 г. колькасць часопісаў адкрытага доступу ў Taylor & Francis перавышае 170. Многія з гэтых часопісаў маюць высокі імпакт-фактар.
Зацікаўленыя ў публікацыях аўтары і арганізацыі могуць атрымаць больш падрабязную інфармацыю, звярнуўшыся да прадстаўнікоў рабочай групы па адкрытым доступе Савета бібліятэк Беларусі па інфармацыйным узаемадзеянні:
тэлефон: (8 017) 293 28 05,
e-mail: v_britch@nlb.by
Матэрыял прадастаўлены аддзелам карпаратыўнага ўзаемадзеяння.
