ГалоўнаяНавіныНавіны Нацыянальнай бібліятэкі Беларусі
Музыка паэзіі
Міжнародная міграцыя ў XXI стагоддзі

Перадача кніг у дар

Перадача кніг у дар
Іншыя навіны

8 снежня дырэктар адміністрацыі Парка высокіх тэхналогій Валерый Цапкала перадаў у дар Нацыянальнай бібліятэцы Беларусі 45 даведачных выданняў.


У сваім выступленні дырэктар бібліятэкі Раман Матульскі адзначыў, што плённае супрацоўніцтва Нацыянальнай бібліятэкі з Паркам высокіх тэхналогій адбываецца ўжо не першы год і выказаў надзею на яго доўгатэрміновую перспектыву.

Валерый Цапкала выказаў упэўненасць, што падораныя кнігі будуць спрыяць развіццю айчыннай навукі і культуры, падкрэсліў выключную ролю бібліятэкі ў інавацыйным развіцці грамадства.

Фонды бібліятэкі папоўніліся энцыклапедыямі, слоўнікамі і даведнікамі, у якіх прадстаўлена біяграфічная інфармацыя пра вучоных, палітыкаў, дзеячаў культуры і мастацтва розных краін.

У даведачных выданнях можна знайсці звесткі пра манархаў і членаў каралеўскіх сем’яў краін Еўропы, Азіі, Афрыкі; дзяржаўных і палітычных дзеячаў СССР, 136 тысяч савецкіх грамадзян і больш за 5 тысяч выдатных савецкіх гістарычных асоб; найбуйнейшых палітыкаў і кіраўнікоў ЗША; асоб, якія зрабілі важны ўклад у развіццё Фінляндыі, а таксама біяграфічныя звесткі пра іншых вядомых дзеячаў розных краін.

У ілюстрацыйнай энцыклапедыі па мастацтве сабраны матэрыял пра вядомых мастакоў, ілюстратараў і скульптараў Усходняй Амерыкі. Сярод падораных выданняў – шматтомны біяграфічны слоўнік “The international who’s who”, які адлюстроўвае перыяды 1979–1980, 1991–1992 гадоў. Даведачнае выданне змяшчае інфармацыю пра выбітных сусветных дзеячаў у галіне медыцыны, права, адукацыі, літаратуры, мастацтва, кіно, музыкі, спорту, моды, паспяховых банкіраў і фінансістаў, палітычных і рэлігійных лідараў, дыпламатаў.

Несумненны інтарэс у чытачоў выкліча і серыя біяграфічных энцыклапедый “Who’s who in …”. Кожны выпуск знаёміць з асноўнымі фактамі біяграфій найбольш вядомых дзеячаў розных краін. Сярод усіх выпускаў, перададзеных у дар, самы ранні датуецца 1911 годам.

Загадчыца аддзела даведачна-інфармацыйнага абслугоўвання Нацыянальнай бібліятэкі Беларусі Алена Тулупава выказала ўпэўненасць, што перададзеныя выданні будуць асабліва цэннымі для спецыялістаў усіх галін ведаў і ў першую чаргу бібліятэкараў, а таксама ўсіх, хто зацікаўлены ў дакладнай інфармацыі пра жыццё вядомых і ўплывовых людзей свету.

Навіны

Скот Кэрал: “Беларусь стала нам вельмі дарагой”

23 Кас 2019

На працягу тыдня знаходзіўся ў нашай краіне з візітам знаны навуковец з ЗША, кіраўнік “Групы даследавання рукапісаў”, гісторык і археолаг, доктар філасофіі Скот Кэрал. Летась ў Нацыянальнай бібліятэцы Беларусі паспяхова прайшла міжнародная выстава “Беларусь і Біблія”, куратарам якой ён з’яўляўся.

Навіны бібліятэк

Святло зоркі, вернутае праз стагоддзе

22 Кас 2019

17 кастрычніка ў Дзяржаўным музеі гісторыі беларускай літаратуры адбылася лекцыя Ганны Севярынец “Крытык і сусвет. Адам Бабарэка, літаратура і літаратары”, адна з чатырох запланаваных да 120-годдзя таленавітага літаратуразнаўцы.

Аўтарскі погляд

14 Май 2008

Вялікі ўклад у развіццё літаратурнай бібліяграфіі краіны, распрацоўку яе методыкі, даследаванне жыцця і творчасці славутага беларускага паэта М. Багдановіча ўнесла выдатны бібліёграф, літаратуразнаўца, заслужаны дзеяч культуры Беларусі, член Саюза пісьменнікаў Беларусі Ніна Барысаўна Ватацы (14.05.1908 – 03.08.1997).

Партрэты: гісторыя бібліятэкі ў асобах

“Мінскае жыццё” на старонках газеты “Звон”

22 Кас 2019

У Беларусь польская інтэрвенцыя пачалася ў канцы лютага 1919 года. Палітычнае і ваеннае кіраўніцтва Польскай дзяржавы на чале з Юзэфам Пілсудскім разглядала Беларусь у якасці яе неад'емнай часткі. Ужо ў першай палове сакавіка 1919 г. польскімі войскамі былі захоплены гарады Брэст, Слонім, Ваўкавыск, Скідзель, Шчучын, Пінск. Праз месяц польскія войскі ўзнавілі наступленне. У ноч на 17 красавіка яны прарвалі Заходні фронт і захапілі Ліду і Баранавічы, а 21 красавіка – Вільню.

Праект “Сведкі эпохі: Беларусь на старонках газет 100-гадовай даўніны”

“Гадзіна музыкі” адкрывае новы сезон

21 Кас 2019

Нацыянальная бібліятэка Беларусі сумесна з Нацыянальнай акадэміяй навук Беларусі ў рамках “Гадзіны музыкі” адкрываюць новы сезон інтэрактыўных лекцый “Беларуская музыка ў сусветнай мастацкай прасторы”.

Навіны Нацыянальнай бібліятэкі Беларусі

111