Работнікі Нацыянальнай бібліятэкі наведалі адно з самых маляўнічых месцаў Гомельскай вобласці – сядзібу Козел-Паклеўскіх у Красным Беразе.
Акружаны англійскім паркам дваранскі дом з гаргульямі-хімерамі над уваходам выглядае як дэкарацыя да фэнтэзійнага фільма.
Адна з галоўных асаблівасцей комплексу, якая ўразіла экскурсантаў, – добра захаваныя інтэр’еры. Палац налічвае 36 пакояў, і ўсе яны аформлены ў розных стылях, што дазваляе вывучаць гісторыю архітэктуры:
- галоўны ўваход з ажурнай ляпнінай і маляўнічымі вітражамі – гэта готыка,
- більярдны салон і рабочы кабінет – класіцызм,
- салон у стылі ракако,
- дамавая капліца ў стылі барока,
- карцінная галерэя ў неагатычным стылі,
- салон у стылі маньерызму,
- сталовая з размаляванымі столямі – раманскі стыль,
- салон з аўтэнтычнай ляпнінай на столі і сценах у неамаўрытанскім стылі.
Паездка ўзбагаціла супрацоўнікаў бібліятэкі ведамі, падарыла яркія ўражанні і станоўчыя эмоцыі.
Матэрыял пададзены прафсаюзным камітэтам НББ.
