ГалоўнаяНавіныНавіны Нацыянальнай бібліятэкі Беларусі
Кнігі ў дар пагранзаставе
СГА: асновы функцыянавання і праблемы далучэння

Памятаем пра мінулае, рухаючыся ў будучыню

Памятаем пра мінулае, рухаючыся ў будучыню
Іншыя навіны

8 лютага ў 14.45 ладзіцца прэзентацыя сумесных навукова-выдавецкіх праектаў Нацыянальнай бібліятэкі Беларусі і Белінвестбанка ў сферы папулярызацыі нацыянальнай кніжнай спадчыны.


Мерапрыемства “Памятаем пра мінулае, рухаючыся ў будучыню” пройдзе ў рамках XХ Мінскай міжнароднай кніжнай выстаўкі-кірмашу.

На працягу трох гадоў цеснага ўзаемадзеяння бібліятэкі і банка быў рэалізаваны цэлы шэраг яркіх праектаў. Самым прадстаўнічым з іх з’яўляецца выпуск трох камплектаў календароў пад агульным найменнем “Памятаем пра мінулае, рухаючыся ў будучыню”, якія прызнаны аднымі з найлепшых беларускіх календароў апошняга часу.

Першы камплект (2011) шматбакова прадставіў багацце і разнастайнасць кніжнай спадчыны Беларусі. Праз даўнюю беларускую кнігу ярка і шматгранна паказаны вобраз нашай краіны – дзяржавы, скіраванай на найноўшыя тэхнічныя і навуковыя дасягненні (што бачна ў спадчыне першадрукароў Ф. Скарыны, І. Фёдарава і П. Мсціслаўца), адукаванай (беларускія навуковыя і асветніцкія выданні), прававой (вядомыя на ўсю Еўропу помнікі права) і верацярпімай (найпрыгажэйшыя выданні розных канфесій).

У другім камплекце (2012) праз літаграфіі Напалеона Орды з фондаў бібліятэкі паўстала аблічча гарадоў і мястэчак Беларусі, якія некалі валодалі магдэбургскім правам. Нарэшце апошні камплект (2013) прадстаўляе ўсю гісторыю беларускай дзяржаўнасці і культуры праз ключавыя помнікі айчыннага пісьменства – надпісы на Барысавых камянях і Крыжы Еўфрасінні Полацкай, словы летапісаў і хронік, прававых актаў і мастацкіх твораў, патрыятычных газет і рэвалюцыйных лістовак, рукапісных і друкаваных кніг.

Шэраг сумесна рэалізаваных праектаў сведчыць пра поспехі дзяржаўна-прыватнага партнёрства. Зробленая праца з’яўляецца толькі пачаткам у справе ўмацавання беларускай культуры і стане асновай для рэалізацыі новых пачынанняў, запланаваных на самую бліжэйшую будучыню. Перспектывы гэтых пачынанняў будуць прыадкрыты пад час прэзентацыі.

Адрас: г. Мінск, вул. Я.Купалы, 27, Нацыянальны выставачны цэнтр “Белэкспа”, Нацыянальны стэнд Рэспублікі Беларусь.

Тэлефоны для даведак: (8 017) 293 27 67, 293 28 02.

Е-mail: pr@nlb.by

Навіны

Літаратурныя смачнасці: 10 мастацкіх кніг з рэцэптамі

12 Май 2021

У дажджлівыя вясновыя дзянькі абавязкова хочацца чым-небудзь сябе пацешыць. Добры спосаб – заняцца любімым хобі, сустрэцца з сябрамі або... проста паесці. Пэўна ў вашым спісе любімых рэчаў пункт “смачная ежа” ідзе адразу пасля мастацкай літаратуры, а калі яны спалучаюцца, атрымліваецца цудоўны спосаб падбадзёрыць сябе і натхніць на будучыя здзяйсненні – можа, нават кулінарныя. Сёння мы паглядзім на дзесяць выдатных мастацкіх кніг, у якіх гатаванне мае важную ролю, а стравы абавязкова хочацца пакаштаваць. Падрыхтуйце хустачкі: ад некаторых апісанняў проста слінкі цякуць.

Аўтарскі погляд

Семінар-практыкум “Беларускія тэксты арабскім пісьмом”

12 Май 2021

У бібліятэцы скончыліся заняткі ў рамках семінара-практыкуму “Беларускія тэксты арабскім пісьмом”, падчас якіх усе зацікаўленыя мелі ўнікальную магчымасць навучыцца чытаць кітабы.

Навіны Нацыянальнай бібліятэкі Беларусі

Чырвоная кніга

12 Май 2021

13 мая ў музеі кнігі пачне працу выстава “Чырвоная кніга”. Галоўным экспанатам стане арт-кніга маладых беларускіх мастакоў Марыны Жвірбля і Фёдара Шурмялёва.

Кніжныя выстаўкі

“Цікава пачытаць”: кніга “Мора ў чамадане, або Казка вяртаецца”

12 Май 2021

8 мая ў дзіцячым пакоі на занятках “Цікава пачытаць” дзеці даведаліся аб займальных прыгодах школьніцы Марыі Лапінай – галоўнай гераіні кнігі Надеі Ясмінска “Мора ў чамадане, або Казка вяртаецца”.

Навіны Нацыянальнай бібліятэкі Беларусі

“Беларускі салавей”: новая віртуальная экспазіцыя да 135-годдзя з дня нараджэння Змітрака Бядулі

7 Май 2021

Прадстаўляем новы раздзел віртуальнага праекта “На хвалі часу, у плыні жыцця”, які рэалізуецца Нацыянальнай бібліятэкай Беларусі, Дзяржаўным музеем гісторыі беларускай літаратуры, Беларускім дзяржаўным архівам-музеем літаратуры і мастацтва і часопісам “Маладосць” да 100-годдзя ўтварэння літаратурнага аб’яднання “Маладняк”.

Да 100-годдзя літаб'яднання "Маладняк"

Водгукі пра XVІІ Міжнародныя кнігазнаўчыя чытанні

7 Май 2021

22–23 красавіка ў Нацыянальнай бібліятэцы Беларусі адбыўся маштабны навуковы форум Міжнародныя кнігазнаўчыя чытанні. Пасля завяршэння канферэнцыі арганізатары падводзяць вынікі, каб вызначыць, наколькі праект дасягнуў сваіх мэт. Сваім меркаваннем пра канферэнцыю падзяліліся яе ўдзельнікі – беларускія і замежныя эксперты.

Навіны Нацыянальнай бібліятэкі Беларусі

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Бібліятэкарам
111