6 красавіка ў прасторы выстаўкі “Беларускі буквар: 400 гадоў гісторыі” ў музеі кнігі адбыўся майстар-клас па методыцы навучання грамаце для студэнтаў II курса факультэта пачатковай адукацыі Беларускага дзяржаўнага педагагічнага ўніверсітэта ім. М. Танка.
Сваім майстэрствам і вопытам з будучымі педагогамі падзялілася Юлія Валянцінаўна Бялова – намеснік дырэктара СШ № 16 г. Мінска, пераможац конкурсу 2011 года “Сталічны настаўнік – сталічнай адукацыі”.
Пад кіраўніцтвам дасведчанага педагога студэнты ў займальнай і даступнай форме асвойвалі разнастайныя інтэрактыўныя формы і метады навучання грамаце. Кожны атрымаў магчымасць праверыць на сабе асноўныя прыёмы развіваючага навучання і ацаніць эфектыўнасць іх ужывання.
Удзел у майстар-класе прынялі намеснік дэкана па выхаваўчай рабоце факультэта пачатковай адукацыі Ірына Аляксандраўна Буторына і выкладчыкі Беларускага дзяржаўнага педагагічнага ўніверсітэта імя М. Танка.
Усе ўдзельнікі пазнаёміліся з экспазіцыяй выстаўкі і лепшымі ўзорамі кніг для пачатковага навучання, створанымі на беларускіх землях за чатыры стагоддзя.
