19 лістапада ў зале адукацыйных тэхналогій прайшло пасяджэнне круглага стала “Сацыяльна-культурнае праектаванне і асаблівасці фарміравання рэгіянальнай палітыкі ў сферы культуры”.
Арганізатарамі мерапрыемства выступілі Інстытут культуры Беларусі і Нацыянальная бібліятэка Беларусі.
У яго рабоце ўзялі ўдзел начальнікі і намеснікі начальнікаў аддзелаў ідэалагічнай работы, культуры і па справах моладзі раённых выканаўчых камітэтаў усіх абласцей Беларусі.
Пад час пасяджэнняў былі абмеркаваны асноўныя тэндэнцыі развіцця публічных бібліятэк краіны, разгледжаны ход рэалізацыі дзяржаўных праграм і праектная дзейнасць устаноў культуры, абмеркаваны найбольш актуальныя праблемы, якія стаяць перад бібліятэчнай галіной. Удзельнікі ўзнялі праблемныя пытанні ўдасканалення нарматыўнай прававой базы, у тым ліку ў частцы ажыццяўлення дзяржаўных закупак, развіцця бібліятэчна-інфармацыйнага абслугоўвання ў электронным асяроддзі, фарміраванні кадравага патэнцыялу бібліятэчнай галіны і іншыя.
Для ўдзельнікаў круглага стала была арганізавана выстаўка выдавецкай прадукцыі і прадстаўлены пералік сацыякультурных паслуг Нацыянальнай бібліятэкі Беларусі.
 |
 |
 |
 |
 |
 |
 |
