21 красавіка ў канферэнц-зале Нацыянальнай бібліятэкі Беларусі прайшоў фінал Міжнароднага міжвузаўскага конкурсу грацыі і артыстычнага майстэрства "Каралева Вясна – 2010".
Заснавальнікі мерапрыемства – Беларускі рэспубліканскі саюз моладзі, Міністэрства адукацыі Рэспублікі Беларусь, Нацыянальная бібліятэка Беларусі, Расійскі саюз моладзі, прадстаўніцтва Міждзяржаўнай тэлерадыёкампаніі "Мир" у Рэспубліцы Беларусь, Нацыянальная школа прыгажосці.
Асноўная ідэя конкурсу заключалася ў паданні прыгажосці як сукупнасці духоўных, інтэлектуальных якасцей, творчых здольнасцей і знешніх даных удзельніц.
У фінале "Каралевы Вясны – 2010" прынялі ўдзел дзяўчыны з Беларусі, Расіі, Украіны і Латвіі. Нашу краіну прадстаўлялі пяць дзяўчын.
Удзельніцы прадэманстравалі свае сцэнічныя, артыстычныя, творчыя і інтэлектуальныя здольнасці ў намінацыях: "Дэфіле", "Інтэлектуальны конкурс" і "Творчы конкурс".
Журы, у склад якога ўвайшлі Сяргей Нагорны, Наталля Макей, Ірына Дарафеева, Раман Матульскі, Павел Каранеўскі, Тарыэл Майсурадзэ і старшыня Людміла Сідаровіч, вызначыла самую вясеннюю каралеву 2010 года. Ёю стала студэнтка Віцебскага дзяржаўнага універсітэта імя П.М. Машэрава Вольга Нікіфарава.
Першая віцэ-міс – студэнтка Валагодскага дзяржаўнага тэхнічнага універсітэта (Расія) Ірына Пахолкава. Тытул другой віцэ-міс прысуджаны Юліі Баннікавай з Іванаўскага дзяржаўнага хіміка-тэхналагічнага універсітэта (Расія).
Прыз сімпатый гледачоў супаў з рашэннем журы і дастаўся пераможніцы конкурсу "Каралева Вясна – 2010 " Вользе Нікіфаравай.
 |
 |
 |
||||||||||||
 |
 |
 |
