14 кастрычніка дзіцячы пакой запрашае дзяцей на святочнае мерапрыемства “Мы ўсмешкай мамінай сагрэты”, прысвечанае Дню маці.
На свяце хлопчыкі і дзяўчынкі прымуць удзел у вясёлай гульні з бубнам, у конкурсе "Адгадай мелодыю", разам праспяваюць песні і прачытаюць вершы пра маму. Сюрпрызам для любімых мам стане зробленая рукамі юных майстроў аб’ёмная паштоўка.
Мастацкія і пазнавальныя кнігі з фонду бібліятэкі, прадстаўленыя на выстаўцы, зацікавяць як дзетак, так і іх бацькоў.
Нязмушаная атмасфера і дружалюбныя зносіны зробяць свята вясёлым і незабыўным.
Запрашаюцца дзеці 5–9 гадоў.
Час правядзення заняткаў: 18.00–19.30.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Папярэдні запіс на мерапрыемства па тэлефоне: (8 017) 293 25 34.
