6 лютага ў рамках XXVII Мінскай міжнароднай кніжнай выстаўкі-кірмашу ў Нацыянальнай бібліятэцы Беларусі прайшла прэзентацыя кнігі “Рига с высоты полета художника”.
У мерапрыемстве ўзялі ўдзел генеральны дырэктар Нацыянальнай бібліятэкі Беларусі Раман Матульскі, Надзвычайны і Паўнамоцны Пасол Латвійскай Рэспублікі ў Рэспубліцы Беларусь Эйнарс Семаніс, мастак, дызайнер, арт-дырэктар праекта Эгілс Медніс, менеджары Даце Гайлявічэне і Байба Байіндзірэ, фатограф Эвія Джансоне, дырэктар Цэнтра выяўленчага і мэдыямастацтваў “Новая культурная ініцыятыва”, куратар карпаратыўнай калекцыі Белгазпрамбанка Аляксандр Зіменка.
“Рига с высоты полета художника” – гэта кніга выдавецтва Aminori, якая па напаўненні нагадвае даведнік, толькі замест сухіх фактаў у ёй сабраны гісторыі сапраўдных людзей. Меркаваннем пра свой горад падзяліліся мастакі розных пакаленняў, якія працуюць у розных стылях. Даведнік багата ілюстраваны іх творамі, а таксама партрэтамі расказчыкаў і фотаздымкамі Рыгі.
Напрыканцы мерапрыемства кнігі выдавецтва Aminori былі перададзены ў фонды Нацыянальнай бібліятэкі. Неўзабаве літаратура будзе даступна нашым чытачам.
Матэрыял прадастаўлены аддзелам сувязей з грамадскасцю.
