25 чэрвеня 2009 года а 17-й гадзіне ў галерэі “Лабірынт” адбудзецца адкрыццё дакументальна-мастацкай праграмы “Беларусь нескароная”, прымеркаванай да 65-годдзя вызвалення Беларусі ад нямецка-фашысцкіх захопнікаў.
Дакументальна-мастацкі праект “Беларусь нескароная” – гэта даніна павагі ўсім загінуўшым у гады Вялікай Айчыннай вайны і ветэранам: франтавікам, партызанам і падпольшчыкам.
У рамках мерапрыемства адбудзецца прэзентацыя электроннага выдання “Подпольная и партизанская печать Беларуси”, якое стваралася пад патранатам ЮНЕСКА спецыялістамі Нацыянальнай бібліятэкі, Нацыянальнага архіва і Музея гісторыі Вялікай Айчыннай вайны.
Дыск складаецца з алічбаваных рукапісных і друкаваных матэрыялаў ваеннага часу: выданняў падпольнага і партызанскага друку, лістовак, насценгазет, рукапісных кніг з рарытэтнай калекцыі Нацыянальнай бібліятэкі Беларусі.
Госці мерапрыемства змогуць пазнаёміцца з кніжна-дакументальнымі выстаўкамі, арганізаванымі Нацыянальнай бібліятэкай Беларусі сумесна з Нацыянальным архівам Рэспублікі Беларусь і Музеем гісторыі Вялікай Айчыннай вайны, а таксама з выстаўкай жывапісных работ “Пейзажы Мінска1945–1976 гг.” Анатоля Наліваева.
Увазе прысутных будуць прадстаўлены кніга Юрыя Фаміна “Человек из легенды”, лаўрэат конкурсу “Мастацтва кнігі – 2009”, пераможца ў намінацыі “Перамога”, і зборнік “О погибших помните”. Выдавецтва “Беларуская Энцыклапедыя імя Петруся Броўкі” прымеркавала выхад гэтых кніг да 65-годдзя Вялікай Перамогі.
Тэлефоны для даведак: 293-28-23, 293-27-67.
Е-mail: pr@nlb.by
