30 студзеня а 16-й гадзіне ў галерэі “Лабірынт” адбудзецца ўрачыстае адкрыццё дабрачыннага мастацкага праекта “Свет за акном”.
Удзел у праекце прымаюць спецыяльныя дзяржаўныя ўстановы для людзей з абмежаванымі магчымасцямі. На вернісажы іх падапечныя прадэманструюць свае таленты. Выстаўка твораў “асаблівых” людзей уключае каля 90 работ.
Галоўная ідэя праекта ў тым, што па волі лёсу некаторыя з нас маюць абмежаваныя магчымасці фізічнага і псіхічнага кшталту, але гэтыя абставіны могуць паспяхова пераадольвацца неабмежаванымі магчымасцямі творчага пошуку. Варта толькі грамадству не цурацца такіх праблем, а дапамагаць сваім “асаблівым” грамадзянам рэалізоўваць творчы патэнцыял на карысць усім.
Экспазіцыя будзе працаваць да 22 лютага 2013 г.
