11 лютага ў бібліятэцы адкрылася юбілейная выстаўка, прысвечаная 85-годдзю вядомага беларускага мастака Г.Г. Паплаўскага.
Свой шлях у мастацтва Георгій Георгіевіч Паплаўскі пачаў больш як пяцьдзясят гадоў назад і за гэты час стварыў вялікую колькасць выдатных твораў: ён працуе ў станковай і кніжнай графіцы, жывапісе, акварэлі. Яго творы ўпрыгожваюць музейныя і прыватныя калекцыі Беларусі, Расіі, Украіны, Аўстрыі, Швейцарыі, Германіі, ЗША, Індыі і іншых краін.
За апошнія дзесяцігоддзі мастак неаднойчы экспанаваў свае жывапісныя творы, аднак галоўнай у яго творчасці ўсё ж засталася графіка.
Г.Г. Паплаўскі віртуозна валодае тэхнікамі лінагравюры, літаграфіі, малюнка пяром, акварэлі, якія дазваляюць яму ствараць разнастайныя, але заўсёды эстэтычна значныя мастацкія творы на самыя розныя тэмы.
Acoбнaя, вeльмі важная cтapoнкa твopчacці Гeopгія Гeopгіeвічa – кніжная гpaфікa. Праз ycё жыццё ён пpaнёc зaxaплeннe мacтaцтвaм кніжнай ілюcтpaцыі, яму пaшaнцaвaлa працаваць з выключна цікaвым літapaтypным мaтэpыялaм: майстар ілюcтpaвaў бeлapycкyю клacікy – твopы Янкі Купалы і Якуба Колаca, кнігі cyчacныx aўтapaў – B. Быкава, А. Aдaмoвічa, І. Meлeжa, І. Haвyмeнкі, бeлapycкія кaзкі і пaдaнні, пaдpyчнікі, a тaкcaмa выдатную cycвeтнyю літapaтypy – твopы У. Шэкcпіpa, Ф. Шылepa, Ф. Пятраркі, Д. Лондана, Р. Taгopa, Г. Лангфела і інш.
Георгій Георгіевіч перадаў шмат сваіх работ у фонды Нацыянальнай бібліятэкі Беларусі. Цяперашняя экспазіцыя прысвечана 85-годдзю вялікага творцы.
Выстаўка складаецца з ілюстрацый да твораў Я. Купалы, Я. Коласа, В. Быкава. Таксама прадстаўлены работы Наталлі Мікалаеўны Паплаўскай з серыі “Браслаўшчына” і ілюстрацыі да рамана І. Мележа “Людзі на балоце”.
Наведвальнікі бібліятэкі змогуць азнаёміцца з выстаўкай у галерэі “Атрыум” (3-ці паверх) да 9 сакавіка 2016 г.
Тэлефоны для даведак: (8 017) 293 28 33; 293 27 56.
Е-maіl: pr@nlb.by
|
|
|
