З 10 верасня па 14 кастрычніка ў Нацыянальнай бібліятэцы Беларусі (2-гі паверх, кальцавы калідор) праходзіць выстаўка “Зрабі свой выбар!”, прымеркаваная да выбараў Прэзідэнта Рэспублікі Беларусь.
Чарговыя выбары Прэзідэнта Рэспублікі Беларусь адбудуцца 11 кастрычніка 2015 года.
Раздзел “Краіна напярэдадні выбараў” прапаноўвае падборку выданняў аб сучасным палітычным, эканамічным і культурным стане Беларусі.
Асноўныя палажэнні аб абранні Прэзідэнта і парадак правядзення выбараў вызначаюцца Канстытуцыяй і Выбарчым кодэксам Рэспублікі Беларусь. Гэтыя дакументы і шэраг іншых матэрыялаў, прысвечаных арганізацыйна-прававым пытанням падрыхтоўкі і правядзення выбараў, а таксама ў цэлым выбарчым тэхналогіям і кампаніям, можна ўбачыць у раздзеле “Рэспубліка Беларусь – суверэнная дзяржава”.
Экспазіцыя змяшчае каля 200 дакументаў, аформлена плакатамі і артэфактамі адпаведнай тэматыкі.
Кантактныя тэлефоны: (8 017) 293 28 86, 293 29 80.