З 1 верасня па 8 кастрычніка ў аддзеле абслугоўвання афіцыйнымі дакументамі (2-гі паверх, пам. 207) адкрыта тэматычная кніжная выстаўка “Устойлівы мір дзеля ўстойлівай будучыні”, прысвечаная Міжнароднаму дню міру.
Гэты Дзень быў заснаваны Генеральнай Асамблеяй ААН (рэзалюцыя A/RES/36/67) у 1981 годзе для “распаўсюджвання і ўкаранення ідэалаў міру як у адносінах унутры ўсіх дзяржаў і народаў, так і ў адносінах паміж імі”. Праз дваццаць гадоў Асамблея пастанавіла штогод адзначаць гэтае свята 21 верасня як дзень глабальнага спынення агню і адмаўлення ад насілля і прапанавала ўсім дзяржавам і народам ажыццяўляць спыненне ваенных дзеянняў на працягу гэтага дня (A/RES/55/282).
Мір – гэта адно з самых надзённых запатрабаванняў чалавецтва. І у ім заключаецца вышэйшае прызначэнне ААН. Мір вызначае найважнейшую місію ААН і аб’ядноўвае яе работу па ўсёй планеце: ад міратворнасці і прэвентыўнай дыпламатыі да падтрымання праў чалавека і развіцця.
Штогод у Міжнародны дзень міру Арганізацыя Аб’яднаных Нацый звяртаецца да народаў з заклікам успомніць, што ўсе яны прыналежаць да адной чалавечай сям’і, і аб’яднацца ў імя стварэння будучыні, дзе не будзе варожасці.
Кожны год Дзень міру прысвечаны пэўнай тэме. Тэма Дня сёлета – “Мэты ў галіне ўстойлівага развіцця: састаўныя элементы міру”.
17 мэт у галіне ўстойлівага развіцця былі аднагалосна прыняты 193 дзяржавамі – членамі Арганізацыі Аб’яднаных Нацый на гістарычным саміце кіраўнікоў дзяржаў, які прайшоў у Нью-Ёрку ў верасні 2015 года. Яны ўніверсальныя і прымянімыя да ўсіх краін. Мэта 16 у галіне ўстойлівага развіцця прысвечана пытанням міру, правасуддзя і эфектыўных устаноў. Аднак тэма міру праходзіць праз усё 17 мэт, кожная з іх з’яўляецца адным з састаўных элементаў глабальнай архітэктуры міру. Рэалізацыя кожнай з іх мае вырашальнае значэнне для забеспячэння міру і ўсеагульнага працвітання.
Праблемы, якія стаяць перад сучасным светам, – галеча, голад, памяншэнне прыродных рэсурсаў, недахоп вады, сацыяльная няроўнасць, дэградацыя навакольнага асяроддзя, хваробы, карупцыя, расізм, ксенафобія і многія іншыя – ускладняюць пабудову міру і ствараюць спрыяльную глебу для канфліктаў. Устойлівае развіццё ўносіць вырашальны ўклад у змякчэнне і выкараненне гэтых прычын канфліктаў і з’яўляецца асновай трывалага і стабільнага міру.
Калі людзі ўпэўнены ў тым, што змогуць забяспечыць сваю сям’ю, калі ў іх ёсць доступ да рэсурсаў, неабходных для вядзення здаровага ладу жыцця, калі яны адчуваюць сябе паўнацэннымі членамі грамадства, верагоднасць іх удзелу ў канфлікце значна ніжэйшая. Таму развіццё і мір з’яўляюцца ўзаемазалежнымі і ўзаемадапаўняльнымі галінамі – дзякуючы міру ўмовы ўстойлівага развіцця паляпшаюцца і вызваляюцца рэсурсы, у якіх грамадства мае патрэбу для развіцця і працвітання.
Прапанаваная чытачам выстаўка налічвае больш за 100 дакументаў, якія раскрываюць работу міжнародных арганізацый, урадавых і няўрадавых устаноў і груп у галіне падтрымання міру і бяспекі. Вялікую частку экспазіцыі складаюць дакументы міжнародных арганізацый (ААН, ЮНЕСКА, Еўрапейскага саюза, Савета Еўропы і інш.) на рускай і англійскай мовах: кнігі, перыядычныя выданні, мімеаграфаваныя матэрыялы ААН.
Выстаўка змяшчае наступныя тэматычныя раздзелы:
- Міжнародныя пагадненні і міжнародна-прававыя дакументы па падтрыманні міру і бяспекі.
- Раззбраенне, ядзернае раззбраенне.
- Аперацыі па падтрыманні міру.
- Міратворчасць і мірабудаўніцтва.
- Мэты ў галіне ўстойлівага развіцця: састаўныя элементы міру.
- Правы чалавека і падтрыманне міру.
- Дэмакратызацыя і культура міру.
Выстаўка будзе цікавая спецыялістам у галіне сусветнай палітыкі, дыпламатыі, міжнародных адносін, міжнароднага права, канфлікталогіі, а таксама студэнтам, магістрантам, палітычным і грамадскім дзеячам і ўсім, каму дарагі мір на Зямлі.
Карысныя спасылкі
- Пра Міжнародны дзень міру
- Міжнародны дезнь міру
- Мір і бяспека
- ААН і пытанні раззбраення
- Аперацыі ААН па падтрыманні міру
- Місіі ААН па мірабудаўніцтве
- Камісія ААН па мірабудаўніцтве
- Пасланцы міру
- Дыялог паміж цывілізацыямі і культура миру
- Альянс цывілізацый
- Тыдзень раззбраення (24–30 кастрычніка 2010 года)
- Арганізацыі сістэмы ААН, якія займаюцца пытаннямі раззбраення
- Мэты і галіны ўстойлівага развіцця
- ААН і Нобелеўская прэмія міру
- Peace Channel
Дакументы
- Рэзалюцыя A/RES/36/67 "Міжнародны год міру і Міжнародны дзень міру"
- Рэзалюцыя A/RES/55/282 "Міжнародны дзень міру"
- Дэкларацыя аб праве народаў на мір
- Дэкларацыя аб культуры міру
- Канвенцыі і дэкларацыі па пытаннях раззбраення