З 2 мая па 30 чэрвеня 2008 года ў зале перыядычных выданняў (пам. 106) праходзіць тэматычная выстаўка "Сям'я - аснова ўсіх асноў", прымеркаваная да Міжнароднага дня сям'і.
Штогод 15 мая адзначаецца Міжнародны дзень сям’і, зацверджаны ў адпаведнасці з рэзалюцыяй Генеральнай Асамблеі ААН у 1993 годзе. Гэты крок з’яўляецца сведчаннем заклапочанасці сусветнай супольнасці станам сучаснай сям’і, яе праблемамі.
Важнасць сям’і ў жыцці кожнага чалавека, грамадства і дзяржавы немагчыма пераацаніць. Менавіта сям’я - асноўная крыніца грамадскай стабільнасці, міру і прагрэсу, менавіта ў сям’і выхоўваюцца дзеці, якія займаюць у сістэме чалавечых каштоўнасцей вядучае месца.
У экспазіцыі выстаўкі прадстаўлена больш за 30 публікацый з перыядычных выданняў за апошнія 3 гады. Матэрыялы экспазіцыі расказваюць аб той асобай увазе, якую дзяржава надае пытанням сям’і, мацярынства і дзяцінства.
У шэрагу прадстаўленых артыкулаў разглядаецца Указ Прэзідэнта Рэспублікі Беларусь А. Р. Лукашэнка «Об усилении государственной поддержки семей при рождении детей», які ўступіў у сілу 1 чэрвеня 2007 г. У артыкуле доктара педагагічных навук У. У. Чачота і кандыдата педагагічных навук А. І. Андарала «Современная белорусская семья: состояние, поддержка, проблемы», апублікаваным у часопісе "Адукацыя і выхаванне"(2007), акрэслены праблемы, што стаяць перад дзяржавай, рашэнне якіх павінна ажыццяўляцца на ўсіх узроўнях: мясцовым, рэгіянальным, нацыянальным і міжнародным.
Шматлікія артыкулы выстаўкі закранаюць праблемы выхавання дзяцей у сям’і. Сярод прадстаўленых публікацый - артыкул Анціпавай А. У. «Воспитательный потенциал современной семьи», апублікаваны ў часопісе «Праблемы выхавання» (2006).
Выстаўка разлічана нашырокае кола чытачоў.
Кантактны тэлефон: 293-25-87  |
 |
 |
