ГалоўнаяНавіныКніжныя выстаўкі
Цудоўныя ператварэнні ў навагоднюю ноч
“Сабраць” Багдановіча

Россып залацінак слоў

Россып залацінак слоў
Іншыя навіны

З 7 снежня па 10 студзеня ў зале беларускай літаратуры (пам. 205) праходзіць выстаўка “Россып залацінак слоў”, прысвечаная 70-годдзю Міколы (Мікалая Аляксандравіча) Маляўкі, беларускага паэта і перакладчыка.


Паэзіі М. Маляўкі ўласціва шчырасць, любоў да роднага краю і яго землякоў. Менавіта гэтыя якасці выхавала ў пісьменніка родная Стаўбцоўшчына, якая падаравала шмат таленавітых людзей нашай краіне.

М. Маляўка з’яўляецца лаўрэатам Літаратурнай прэміі імя Аркадзя Куляшова (1992), прэміі Федэрацыі прафсаюзаў Беларусі (1997), спецыяльнай прэміі Прэзідэнта Рэспублікі Беларусь у намінацыі “Мастацкая літаратура” (2002).

Выстаўка, прысвечаная пісьменніку, складаецца з пяці раздзелаў.

У першым раздзеле “Спрадвечнае і зямное” прадстаўлены аўтарскія зборнікі паэта. Сярод іх – “Едуць маразы” (1966), “Лотаць” (1973), ”Эстакада” (1982), “Аднавякоўцы” (1988), “Зімні дождж” (1991), “Ручнічок на крыжы” (1995), “Покуць” (2001), “Сядзіба, альбо Хата з матчынай душою” (2002), “Старая зямля” (2005), “Дзічка ў полі” (2007), “Марфутка-імянінніца” (2008) і інш.

Творы паэта, надрукаваныя ў калектыўных зборніках і перыядычных выданнях, змешчаны ў раздзеле “Раячыся з лёсам”.

Працягвае экспазіцыю раздзел “Дар зямлі роднай”, які знаёміць з перакладчыцкай дзейнасцю М. Маляўкі. Тут жа экспануюцца творы пісьменніка, перакладзеныя на рускую, украінскую і балгарскую мовы.

Асобны раздзел выстаўкі змяшчае творы паэта, пакладзеныя на музыку.

Закрывае выстаўку раздзел “Задушэўная споведзь”. У яго ўвайшлі публікацыі пра жыццёвы і творчы шлях М. Маляўкі, змешчаныя ў энцыклапедыях і перыядычных выданнях.

На выстаўцы прадстаўлена больш за 100 выданняў.

Кантактны тэлефон: 293-27-16.

Навіны

Кампетэнтна і падрабязна

21 Ліс 2019

20 лістапада Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Звароты грамадзян: з практыкі грамадзянска-прававога кансультавання”.

Навіны Нацыянальнай бібліятэкі Беларусі

Віртуальны ваяж па тэатрах нашай краіны – з вэб-сайтам “Беларусь у інфармацыйнай прасторы”

20 Ліс 2019

Запрашаем наведаць тэатральную старонку навігатара “Беларусь у інфармацыйнай прасторы”. Тут вы знойдзеце інфармацыю аб музычных, драматычных, лялечных і іншых тэатрах Рэспублікі Беларусь, якія ставяць спектаклі для гледачоў розных узростаў: ад 3-х да 103-х гадоў.

Навіны Нацыянальнай бібліятэкі Беларусі

111