З 1 ліпеня па 29 жніўня ў зале перыядычных выданняў (пам. 106) праходзіць тэматычная выстаўка “Разбуральнікі здароўя – шкодныя звычкі”.
Алкагалізм, курэнне, наркаманія – актуальныя і найцяжэйшыя праблемы нашага часу, прычына мноства хвароб і ранняй смяротнасці. “Культурныя яды” алкаголь і нікацін прыносяць мноства бед і пакут – у сем’ях, працоўных калектывах, з’яўляюцца сацыяльным злом для грамадства. Злоўжыванне наркатычнымі сродкамі і незаконны гандаль імі ў многіх краінах прынялі катастрафічныя памеры. З гэтымі праблемамі неабходна змагацца не толькі грамадству. Кожны чалавек павінен памятаць пра разбуральныя наступствы нездаровага ладу жыцця і імкнуцца гэтаму супрацьстаяць.
Усяго на выстаўцы прадстаўлена каля 40 перыядычных выданняў.
Усвядоміць згубныя звычкі з пункту гледжання медыцыны дапамогуць публікацыі з часопісаў “Здравоохранение”, “Медицинский журнал”, “Вопросы организации и информатизации здравоохранения” і іншыя. Пра барацьбу з алкагалізмам, наркаманіяй, курэннем як аб прававой праблеме раскажуць артыкулы з перыядычных выданняў “Законность и правопорядок”, “Юстиция Беларуси”, “Социология”, “Народная асвета”. Часопісы “Воспитание школьников”, “Педагогика”, “Социология”, “Милиция Беларуси” і іншыя раскрыюць сацыяльныя аспекты існавання шкодных звычак.
Кантактны тэлефон: (8 017) 293 25 87.
 |
 |
 |
