ГалоўнаяНавіныКніжныя выстаўкі
Семінар у БДАМ па рэсурсах ВЧЗ
Рыхтуецца 10-ты выпуск штогадовага навуковага зборніка "Бібліятэчны веснік"

Пад знакам чорнага квадрата

Пад знакам чорнага квадрата
Іншыя навіны

З 14 лютага па 4 сакавіка ў зале дакументаў па мастацтве (пам. 306) праходзіць кніжна-ілюстрацыйная выстаўка “Пад знакам чорнага квадрата”, прысвечаная 140-годдзю з дня нараджэння выдатнага мастака і тэарэтыка авангарду Казіміра Малевіча.

Пачатак XX стагоддзя адзначыўся мноствам маштабных падзей. Змянілася гістарычная, эканамічная, сацыяльная карціна свету. Не засталося ў баку і мастацтва: узнікла вялікая колькасць эксперыментальных плыняў з новымі ідэямі, адмовай ад фігуратыўнасці на карысць фармальных кампазіцый. Важным этапам у развіцці беспрадметнага жывапісу стаў супрэматызм, заснавальнікам якога быў Казімір Севярынавіч Малевіч (1878–1935).

Выйсці “з кола рэчаў” – сутнасць філасофіі супрэматызму. Звяртаючыся да простых форм, мастак лічыў гэты кірунак прыступкай развіцця мастацтва. Эстэтыка супрэматызму адбілася і ў сучаснай культуры і з’яўляецца актуальнай, бо знайшла водгук у архітэктуры, дызайне прадметаў інтэр’еру і нават адзення.

На выстаўцы прадстаўлены шэраг альбомаў з рэпрадукцыямі Малевіча, на якіх не толькі творы жывапісу, але і малюнкі, акварэлі, плакаты, афішы, кніжная графіка, вырабы з фарфору, а таксама знакаміты “Чорны квадрат”, які стаў сімвалам напрамку “супрэматызм”.

Прыцягнуць увагу шматлікія выданні аўтарытэтных даследчыкаў пра мастака: А. Шатскіх “Казимир Малевич и общество Супремус”, В. Турчына “Образ двадцатого…”, “По лабиринтам авангарда”, А. Якімовіча “Эпоха сокрушительных творений”. Значную частку выстаўкі складаюць кнігі і навуковыя артыкулы беларускіх аўтараў – І. Малевіча “Казимир Малевич. Восхождение на крест судьбы”, Т. Катовіч “Малевич_УНОВИС: между/над опытом и рацио”, а таксама зборнікі праекта “Малевіч. Класічны авангард. Віцебск”, якія прадстаўляюць артыкулы пра віцебскі перыяд творчасці мастака.

Дапаўняюць экспазіцыю разнастайныя тэарэтычныя і літаратурныя творы Казіміра Малевіча, якія з’яўляюцца яго ўнікальнай творчай спадчынай. Сярод іх – лісты і ўспаміны, эсэ і крытычныя артыкулы пра мастацтва, маніфесты, статут УНОВІС (“Утвердителей нового искусства”).

Цікавасць выклічуць дакументы, якія тычацца адлюстравання асобы Малевіча ў сучасным мастацтве, што сведчыць пра непадробную ўвагу да творчасці мастака і робіць яго своеасаблівым артэфактам, феноменам культуры авангарду.

Тэлефон для даведак: (8 017) 293 27 53.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Летапіс сталіц свету

24 Май 2018

21–22 мая намеснік дырэктара Нацыянальнай бібліятэкі Беларусі Таццяна Кузьмініч прыняла ўдзел у рабоце міжнароднай выстаўкі “Летапіс сталіц свету” і навуковай канферэнцыі, прысвечаных 20-годдзю сталіцы Казахстана – Астане.

Нацыянальная бібліятэка Беларусі

Чым здзівіў “Элемента” на Ночы музеяў-2018

21 Май 2018

19 мая да 23.00 падчас міжнароднай акцыі  “Ноч музеяў” у цэнтральным холе бібліятэкі музей навукі “Элемента” правёў незвычайнае прадстаўленне, якое паказала і даказала – навука можа быць даступнай, займальнай і відовішчнай.

Нацыянальная бібліятэка Беларусі

У нагу з часам: адбылася канферэнцыя па пытаннях інавацыйнага развіцця сферы культуры

18 Май 2018

18 мая ў бібліятэцы ў рамках XXV Міжнароднага форуму па інфармацыйна-камунікацыйных тэхналогіях “ТИБО” адбылася навукова-практычная канферэнцыя “Электронная культура”.

Нацыянальная бібліятэка Беларусі