З 24 лютага па 12 красавіка ў зале нотных і аўдыядакументаў (пам. 305) праходзіць выстаўка "Музыка – мова душы", прысвечаная 60-годдзю Галіны Канстаўцінаўны Гарэлавай, беларускага кампазітара, заслужанага дзеяча мастацтваў Беларусі.
Імя Галіны Гарэлавай, прафесара Беларускай дзяржаўнай акадэміі музыкі, лаўрэата прэміі Ленінскага камсамола Беларусі (1986), Дзяржаўнай прэміі Беларусі (1992), Спецыяльнай прэміі Прэзідэнта Рэспублікі Беларусь (2001), шырокавядома ў музычным свеце.
У творчай спадчыне кампазітара самыя разнастайныя і таленавітыя творы. Сярод іх – кантаты "У год сусветнага пажару" (1989), "Тысяча гадоў надзеі" (1990), сімфанічная паэма "Бандароўна" (1986), інструментальныя канцэрты (для габоя, скрыпкі, альта, гітары, балалайкі, трамбона, трубы), шэраг камерна-інструментальных, харавых твораў, вакальных цыклаў, а таксама прыкладная музыка да тэле- і радыёспектакляў.
На выстаўцы экспануюцца нотныя выданні твораў Галіны Гарэлавай "Песни старой мельницы", "Дажынкі", "Троицкие фрески", "Музычныя малюнкі", "Папяровая балерына", "Пять вокализов", "Три портрета Радославы" і іншыя, а таксама аўдыядакументы "Два зимних эстампа", "Вальс 20-летних" з кантаты "В год мирового пожара", "Концерт для гобоя и струнного оркестра". Дапаўняюць экспазіцыю кнігі і артыкулы з перыядычных выданняў пра жыццё і творчасць кампазітара.
Кантактны тэлефон: 293-27-52.