З 3 студзеня па 29 лютага 2008 года ў зале перыядычных выданняў (пакой 106) праходзіць тэматычная выстаўка "Інавацыі - шлях да поспеху".
Пераход на інавацыйны шлях развіцця мае велізарнае значэнне для Рэспублікі Беларусь на сучасным этапе. Наша дзяржава актыўна супрацоўнічае з замежнымі краінамі, а значыць, павінна стаць раўнапраўным партнёрам і дайстойным канкурэнтам на сусветным рынку. Павышэнне канкурэнтаздольнасці беларускай эканомікі магчыма толькі пры ўмове распрацоўкі нацыянальнай інавацыйнай сістэмы. Менавіта таму быў распрацаваны праект Дзяржаўнай праграмы інавацыйнага развіцця Рэспублікі Беларусь на 2007-2010 гг.
У прадстаўленым на выстаўцыартыкуле старшыні Дзяржаўнага камітэта па навуцы і тэхналогіям Рэспублікі Беларусь У.Я. Мацюшкова акрэслены мэты і задачы дадзенай праграмы, сярод якіх стварэнне інавацыйнай, канкурэнтаздольнай, навукаёмістай, энергазахавальнай і сацыяльна-арыентаванай стабільнай эканомікі і, як вынік, павышэнне якасці жыцця беларусаў.
Матэрыялы выстаўкі знаёмяць з інавацыйнымі ідэямі і распрацоўкамі беларускіх навукоўцаў, якія знайшлі сваё ўвасабленне ў розных сферах жыцця грамадства: эканоміцы, сельскай гаспадарцы, энергетыцы, адукацыі, медыцыне, будаўніцтве.
Экспазіцыя налічвае больш за 40 публікацый з перыядычных выданняў.
Кантактны тэлефон 293-25-87
