Выстаўка-прэзентацыя "Дарунак Урада Масквы і расійскіх выдавецтваў" 13 лютага ў Нацыянальнай бібліятэцы Беларусі прайшла выстаўка-прэзентацыя "Дарунак Урада Масквы і расійскіх выдавецтваў", на якой прадстаўлена больш за 150 падораных ёй выданняў.
Наведвальнікі і чытачы бібліятэкі маюць магчымасць пазнаёміцца з кнігамі па рускай гісторыі і культуры (а таксама гісторыі і культуры Масквы), рускай філасофіі, палітыцы і эканоміцы; даведачнай тэхнічнай літаратурай, найноўшымі навучальнымі дапаможнікамі для вну, энцыклапедыямі і даведнікамі; велізарнай «Библиотечной энциклопедией», «Сводным каталогом русской книги 1801 – 1825 гг.», «Антологией сербской поэзии»; з рэлігійнымі выданнямі і іншай мастацкай літаратурай.