З 18 лютага па 30 сакавіка ў Нацыянальнай бібліятэцы Беларусі (3-ці паверх, кальцавы калідор) арганізавана выстаўка выданняў, перададзеных нам у дар Кітайскай Народнай Рэспублікай.
У Нацыянальнай бібліятэцы Беларусі захоўваецца больш як 5 000 дакументаў, так або інакш звязаных з Кітайскай Рэспублікай. Гэта кнігі, альбомы, відэазапісы, ноты, карты, аўтарэфераты дысертацый, гука- і відэазапісы, электронныя дакументы.
Цеснае эканамічнае і палітычнае супрацоўніцтва паміж нашымі краінамі адлюстроўваецца ў павышанай цікавасці да пяцітысячагадовай гісторыі і культуры Кітая. Выданні дапамагаюць у вывучэнні кітайскай гісторыі, культуры, мастацтва, літаратуры, палітыкі і эканомікі.
11 лютага 2015 года ў рамках адкрыцця ХХIІ Мінскай міжнароднай кніжнай выстаўкі-кірмашу прадстаўнікі Галоўнага дзяржаўнага ўпраўлення па справах прэсы, выдавецтваў, радыёвяшчання, кінематаграфіі і тэлебачання Кітайскай Народнай Рэспублікі перадалі бібліятэцы больш як 500 выданняў.
Вялікая частка дару прадстаўленая ў экспазіцыі, якая знаходзіцца на 3-м паверсе кальцавога калідора. Гэта выданні аб гісторыі, палітыцы, адукацыі, ваеннай справе, мастацтве і культуры Кітая.
Пасля дэманстрацыі падораныя кнігі стануць даступнымі шырокаму кругу чытачоў.
Кантактныя тэлефоны: (8 017) 293 23 86, 293 29 80.
 |
 |
 |
 |
 |
 |
 |
 |
 |
