Нягледзячы на сумныя прагнозы і прадказанні, беларуская мова і літаратура працягваюць жыць і развівацца. Доказам гэтага служыць прапанаваная ўвазе наведвальнікаў бібліятэкі тэматычная кніжная выстаўка.
Структурна экспазіцыя падзелена на некалькі частак, першую з якіх складаюць серыйныя выданні апошніх гадоў: «Беларускі кнігазбор», «Залатое пяро», «Бібліятэка Саюза пісьменнікаў Беларусі», «Вера. Надзея. Любоў», «Беларусь літаратурная», «Беларуская проза XXI стагоддзя», «Беларуская паэзія XX стагоддзя», «Дэбют», «Бібліятэка школьніка» і інш. Асобным падраздзелам прадстаўлена беларуская драматургія.
Другая частка выстаўкі прысвечана сучаснаму беларускаму літаратуразнаўству. У гэтым раздзеле разглядаецца літаратурны працэс Беларусі ў сусветным кантэксце. Калектыўныя манаграфіі прапануюць уважлівы аналіз шматлікіх твораў і асаблівасцей творчага стылю сучасных пісьменнікаў. Сабраныя тут даведнікі, літаратуразнаўчыя слоўнікі, дапаможнікі ў форме пытанняў і адказаў, перыядычныя выданні і іншыя экспанаты разлічаны на старшакласнікаў і абітурыентаў, студэнтаў, настаўнікаў і выкладчыкаў – усіх, каго цікавяць праблемы развіцця беларускага мастацкага слова.
Выстаўка размешчана на 2-м паверсе кальцавога калідора і будзе доўжыцца да 20 жніўня.
Кантактны тэлефон: 293-28-86.
 |
 |
 |
 |
 |
 |
 |
 |
 |
 |
 |
