22 верасня 2009 года ў 17.00 у музеі кнігі Нацыянальнай бібліятэкі Беларусі адбудзецца ўрачыстае адкрыццё міжнароднай выстаўкі «Азербайджан, Беларусь і сусветныя класікі ў мініяцюрнай кнізе».
Выстаўка з’яўляецца сумесным праектам Пасольства Рэспублікі Беларусь у Азербайджанскай Рэспубліцы і Нацыянальнай бібліятэкі Беларусі.
Увазе наведвальнікаў будуць прадстаўлены экспанаты прыватнага Музея мініяцюрнай кнігі ў г. Баку (Азербайджан), стваральнікам якога з’яўляецца Зарыфа Салахава. На выстаўцы ў Нацыянальнай бібліятэцы Беларусі будзе экспанавацца больш за 350 рарытэтаў з калекцыі Музея мініяцюрнай кнігі, выдадзеных у розных краінах свету, у тым ліку японскія мікракнігі фарматам 2х2 мм.
Нацыянальная бібліятэка Беларусі прадставіць на выстаўцы не менш цікавую калекцыю мініяцюрнай кнігі са сваіх фондаў. Яе храналагічныя рамкі охопліваюць XVII–XXI стст. У склад калекцыі ўваходзяць заходнееўрапейскія выданні XVII ст. знакамітых Эльзевіраў, беларуская мініяцюрная кніга.
Тэлефоны для даведак: 293-27-22, 293-27-67.
Е-mail: pr@nlb.by
