9 мая ў Беларусі адзначаецца Дзень Перамогі – свята, здабытае ў цяжкіх баях за свабоду і незалежнасць нашай Радзімы.
Для жыхароў краіны – гэта не проста святочны дзень, але і дзень памяці, глыбокай павагі і ўдзячнасці ўсім, хто набліжаў Вялікую Перамогу.
Напярэдадні такой знакавай даты Нацыянальную бібліятэку Беларусі наведалі вязні фашысцкіх лагераў, ветэраны вайны і блакаднікі Ленінграда.
Падчас экскурсіі госці пазнаёміліся з архітэктурай, мастацкім афармленнем будынка, сістэмай замовы, дастаўкі і выдачы літаратуры.
У музеі кнігі ўбачылі арыгіналы кніг Францыска Скарыны і іншыя рарытэтныя выданні і рукапісы з фондаў Нацыянальнай бібліятэкі.
Экскурсанты ўпершыню наведалі бібліятэку, азнаёміліся з выставай “Мова ваеннай ілюстрацыі”, прымеркаванай да 80-годдзя вызвалення Беларусі ад нямецка-фашысцкіх захопнікаў. Экспазіцыя глыбока ўразіла і пакінула незабыўныя эмоцыі.
Акрамя таго, гасцей чакаў сюрпрыз – яны наведалі аглядную пляцоўку, дзе зрабілі памятныя фота на святочнай фотазоне.
Запрашаем усіх жадаючых на экскурсіі ў Нацыянальную бібліятэку Беларусі.
Заяўкі прымаюцца з аўторка па суботу з 10.00 да 18.00 па тэлефонах: (8 017) 293 29 66, 293 28 53.
Матэрыял пададзены аддзелам экскурсійна-метадычнай работы.
