Нацыянальная бібліятэка Беларусі з’яўляецца рэспубліканскім інфармацыйным цэнтрам, які фарміруе найбольш поўны універсальны па зместу збор айчынных і навукова значных замежных дакументаў і забяспечвае доступ да сусветных інфармацыйных рэсурсаў.
На прэзентацыі былі прадстаўлены інфармацыйныя рэсурсы двух сусветна вядомых выдавецтваў "K.G. Saur Verlag" і "Wiley". Гэта навуковыя, бібліяграфічныя, даведачныя выданні на папяровых і электронных носьбітах. Таксама былі прапанаваны матэрыялы аб дзейнасці ЗАТ "Мір-Дыялог" і ЗАТ "МК-Перыёдыка", якія з’яўляюцца афіцыйнымі прадстаўнікамі выдавецтваў "K.G. Saur Verlag" і "Wiley" ў краінах СНД.
Падчас прэзентацыі адбылася афіцыйная цырымонія дарэння Нацыянальнай бібліятэцы Беларусі, скарбніцы беларускай культуры, грамадска значымай інфармацыйнай прадукцыі "K.G. Saur Verlag" коштам 10,5 тысяч еўра і "Wiley" - 5 тысяч еўра.
Нацыянальная бібліятэка Беларусі выказвае падзяку Міранцаву В. Г., генеральнаму дырэктару ЗАТ "Мір-Дыялог", і Івановай І. В., намесніку генеральнага дырэктара ЗАТ "МК-Перыёдыка", за інфармацыйную падтрымку бібліятэкі.
 |
 |
 |
 |
 |
 |
