Дата правядзення
Час правядзення
Месца правядзення
Музей кнігі прапануе наведвальнікам пазнаёміцца з узорамі мінскага кнігавыдання ХІХ – пачатку ХХ ст. у тэматычным раздзеле выставы “100 рарытэтаў: ад гістарычных кнігазбораў да сучасных арт-кніг”.
Сёлета Мінск адзначае 955-годдзе. Сталіца Беларусі з’яўляецца адным з вядучых кнігавыдавецкіх цэнтраў краіны. Першыя выдавецтвы тут з’явіліся ў ХVII ст.
Перыяд ХІХ – пачатку ХХ ст. стаў часам актыўнага развіцця прыватных, грамадскіх і дзяржаўных выдавецтваў горада. З друку выйшла больш за 3 000 выданняў афіцыйнага, рэлігійнага, даведачнага, навуковага, вытворчага і вучэбнага кірункаў. Сярод экспанатаў – асобнікі з прыватных друкарняў Е. Дворца, Я. Грынблята, Б. Саламонава, Н. Нахумава, І. Каплана, шэраг выданняў з асноўнага дзяржаўнага выдавецтва – Мінскай губернская друкарні, а таксама з Мінскага губернскага статыстычнага камітэта і ўпраўлення Лібава-Роменскай чыгункі. Дэманструюцца творы мастацкай літаратуры, кнігі для дзяцей, зборы дакументаў і статыстычных звестак, гістарычныя нарысы, лекцыі, паштоўкі і інш.
Выстава працуе па 31 кастрычніка 2022 года ў музеі кнігі (пам. 347).
Дата яе заканчэння можа быць зменена.
Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 22.
Матэрыял пададзены навукова-даследчым аддзелам кнігазнаўства.