11 красавіка для навучэнцаў 6-х і 10–11-х класаў сярэдніх школ №№ 24, 53, 62 г. Мінска прайшлі бібліяграфічныя ўрокі “Даведачная літаратура пра Герояў Вялікай Айчыннай вайны” (6 кл.), “Воіны-інтэрнацыяналісты ў вызваленні Беларусі ад нямецка-фашысцкіх захопнікаў” (10 кл.), “Брэсцкая крэпасць-герой” (11 кл.) з цыкла заняткаў “Пастараемся ж і мы быць годнымі іх Вялікай Перамогі”, які рэалізуецца Нацыянальнай бібліятэкай Беларусі да 80-годдзя Вялікай Перамогі сумесна з упраўленнямі па адукацыі г. Мінска.
Старшакласнікі ДУА “Сярэдняя школа № 24 г. Мінска” азнаёміліся з бібліяграфіяй аб воінах-інтэрнацыяналістах, адлюстраванай у сістэматычнай картатэцы артыкулаў, даведаліся, як заказаць у электронным каталогу літаратуру аб Вялікай Айчыннай вайне і дзе атрымаць кнігі. На падставе фотаархіва яны пагарталі старонкі гераічнай біяграфіі Мамадалі Тапвалдыева, грамадзяніна Узбекістана “... За асаблівыя заслугі ў развіцці партызанскага руху ў Беларусі” ўдастоенага звання Героя Савецкага Саюза. Практычная частка ўключала працу з даведачнымі выданнямі аб казахстанцах, смалянах, кіргізах, азербайджанцах, армянах, узбеках, якія ўнеслі значны ўклад у вызваленне Беларусі ад нямецка-фашысцкіх захопнікаў.
Навучэнцы 11 класа ДУА “Сярэдняя школа № 53 г. Мінска” папрацавалі з картачнай і электроннай бібліяграфіяй, пазнаёміліся з творамі прозы і паэзіі, прысвечанымі Брэскай крэпасці і яе абаронцам. Старшакласнікі прачыталі і абмеркавалі змест газетных артыкулаў пра герояў цытадэлі, праслухалі “Довоенный вальс” (музыка П. Аеданіцкага, словы Ф. Лаўбе) і ўрывак з твора Б. Васільева “В списках не значился”. Вершы чыталі Ганна Севярынец “Герою Брэсцкай цытадэлі” (Н. Загорская, часопіс “Работніца і сялянка”, 1976, № 1) і Уладзіслаў Белабровік “Героям цитадели над Бугом” (А. Раманаў, альманах “Брэст”, 1958, вып. 1).
Вучні 6 класа ДУА “Сярэдняя школа № 62 г. Мінска” асвойвалі асаблівасці пошуку біяграфій нашых абаронцаў у даведачнай літаратуры пра герояў Вялікай Айчыннай вайны. Асобна хочацца адзначыць і падзякаваць за ўважлівасць і дысцыплінаванасць гэтай групе дзяцей. У дадзеным выпадку поспех заняткаў забяспечвала зладжаная праца групы, колькасцю больш за 50 чалавек. Актыўны ўдзел у правядзенні бібліяграфічнага ўрока прынялі Арцём Грыцук, Аляксандр Слінько, Барыс Левін, Канстанцін Чымбур. Хлопчыкі забяспечвалі транспарціроўку кніг паміж удзельнікамі шматлікай групы і дэманстрацыю ілюстрацыйнага матэрыялу.
Усе групы патрыётаў пазнаёміліся з Нацыянальнай бібліятэкай Беларусі, даведаліся аб правілах запісу і магчымасцях выкарыстання інфармацыйнага патэнцыялу, пошуку і заказу літаратуры аб Вялікай Айчыннай вайне.
Асобныя словы падзякі выказваем аддзелу галерэйна-выставачнай дзейнасці за змястоўныя экспазіцыі “Мова ваеннай ілюстрацыі” і “Аўтографы мужнасці”, якія візуальна дапаўняюць інфармацыйны складнік кожнага бібліяграфічнага ўрока з дапамогай агітацыйных і сатырычных плакатаў, раздзелаў “У кішэні салдацкай гімнасцёркі” (кнігі кішэннага фармату), “Ловім радасныя весткі пра перамогу на франтах” (партызанская ілюстрацыя), “Гераічная абарона Брэсцкай крэпасці”.
Цыкл заняткаў “Пастараемся ж і мы быць годнымі іх Вялікай Перамогі”, прымеркаваны да 80-годдзя Вялікай Перамогі, уключае наступныя бібліяграфічныя ўрокі: “Даведачная літаратура пра Герояў Вялікай Айчыннай вайны”, “Воіны-інтэрнацыяналісты ў вызваленні Беларусі ад нямецка-фашысцкіх захопнікаў”, “Брэсцкая крэпасць-герой”, “Героі Савецкага Саюза, якія вызвалялі Беларусь: па старонках друкаваных дакументаў і электронных рэсурсаў”, “Біяграфічная і бібліяграфічная інфармацыя пра Героя Савецкага Саюза Мамадалі Тапвалдыева”.
Заказаць поўны цыкл або асобныя заняткі можна па тэлефонах: (8 017) 293 27 40, (8 029) 198 41 83; e-mail: polunchenkoolga@yandex.by.
Матэрыял пададзены аддзелам даведачна-інфармацыйнага абслугоўвання.
