26 сакавіка ў музеі кнігі адбылася творчая сустрэча “Прыгоды ката Фокуса”.
Чым заахвоціць дзяцей да чытання? Чытаць кнігі пра знаёмых герояў.
Адным з герояў музейных чытанняў стаў звычайны кот з кнігі Георгія Марчука “Прыгоды ката Фокуса”. Ён жыў у маленькай вёсачцы Крынічкі разам з бабуляй Мілай і меў здольнасці дэманстраваць розныя фокусы.
На занятках дзеці пазнаёміліся з главой “Як памірыліся Муха і Фокус”. Даведаліся, як трэба майстраваць шпакоўню, каб у яе засяліліся птушкі, а таксама як дружыць і жыць у міры.
Удзельнікам сустрэчы спадабалася выконваць творчыя заданні: маляваць ката Фокуса, ствараць уласную гісторыю яго прыгод і рабіць закладкі для кніг.
Матэрыял пададзены навукова-даследчым аддзелам кнігазнаўства.
