27 снежня ў бібліятэцы прайшла святочная праграма для супрацоўнікаў “Ззянне навагодняга часу”.
Новы год – гэта час, калі чараўніцтва ахоплівае кожны дом і кожнае сэрца. У гэты чароўны вечар час бяжыць хутчэй, нібы спяшаецца паспець раздаць усе радасці гэтага асаблівага свята. Кола часу нястомна нясе нас наперад. Толькі імгненне можа зрабіць наша жыццё больш цудоўным, яркім і дзіўным... Усё гэта стварае атмасферу, поўную таямніцы і загадкі, нібы партал у іншы свет. Вось-вось гадзіннік на сцяне праб’е поўнач, і ў гэты самы момант, адразу ж, як па чараўніцтве, новыя магчымасці і жаданні абрынуцца на тых, хто верыць у цуды.
Па традыцыі напярэдадні Новага года мы збіраемся разам у нашай утульнай зале, каб павіншаваць адзін аднаго са святамі і пажадаць шчасця, цяпла і дабрабыту.
Генеральны дырэктар Нацыянальнай бібліятэкі Беларуси Вадзім Гігін цёпла павіншаваў калег з надыходзячым Новым годам і пажадаў, каб год быў поўны шчаслівых момантаў і радасных падзей.
Парадаваць калектыў і нагадаць пра чараўніцтва і цуд зазірнуў сам Дзед Мароз са сваёй унучкай Снягурачкай.
Яркі святочны настрой стварылі выступленні шоу-балета “Motion Dance”, салісткі аркестра Мінскага гарадскога ўпраўлення МНС Анастасіі Байцовай, артыста Белдзяржфілармоніі Ігара Задарожнага, вакальнай школы “Medley”, артыста Беларускага дзяржаўнага акадэмічнага музычнага тэатра Уладзіслава Даніловіча.
Дарагія калегі, хай надыходзячы год падорыць вам цудоўны настрой і стане плённым перыядам для дасягнення ўсіх мэт і планаў! Жадаем, каб у вашых дамах панавалі спакой і ўтульнасць, любоў і паразуменне. Дабра, цяпла вам і штодзённых цудаў!
Матэрыял пададзены аддзелам сувязей з грамадскасцю.