У кожнай галіне ёсць прафесіяналы найвышэйшага ўзроўню, чыя дзейнасць уяўляе прыклад майстэрства і поўнай самааддачы, а ўзровень прафесіяналізму служыць флагманам не аднаму пакаленню спецыялістаў.
У бібліятэчнай сферы адной з такіх асоб з’яўляецца Таццяна Мікалаеўна Мінчэня, добразычлівы, шчыры, глыбока інтэлігентны, з адкрытай душой і сэрцам чалавек.
Кампетэнтны, скрупулёзны і мэтанакіраваны спецыяліст, яна зрабіла важкі асабісты ўклад у развіццё галоўнай бібліятэкі краіны, набыла заслужаны аўтарытэт і павагу ва ўсёй бібліятэчнай супольнасці. Выконваючы на працягу 16 гадоў (1990–2006) абавязкі вучонага сакратара, Таццяна Мікалаеўна зрабіла значную працу для развіцця бібліятэкі як рэспубліканскага інфармацыйнага і навукова-даследчага цэнтра.
Менавіта дзякуючы такім неабыякавым і верным сваёй справе людзям захоўваюцца і прымнажаюцца традыцыі служэння бібліятэчнай справе, кнізе, грамадству. Гэта дазваляе нашай установе ўпэўнена рухацца па шляху паспяховага вырашэння самых смелых задач і заваёўваць прызнанне карыстальнікаў і калег як на рэспубліканскім, так і на сусветным узроўні.
Паважаная Таццяна Мікалаеўна!
Ад усяго калектыву Нацыянальнай бібліятэкі прыміце віншаванні з юбілейным днём нараджэння і пажаданні моцнага здароўя на доўгія гады, гармоніі ў душы, дабрабыту, падтрымкі і ўвагі блізкіх людзей.
Няхай Ваша жыццё заўсёды будзе напоўнена шчасцем, любоўю і спакоем, дорыць незабыўныя прыемныя ўражанні, радасныя падзеі і толькі пазітыўныя эмоцыі!
Матэрыял падрыхтаваны навукова-даследчым аддзелам бібліятэказнаўства.
Пра ветэранаў і супрацоўнікаў Нацыянальнай бібліятэкі Беларусі чытайце ў рубрыцы “Партрэты: гісторыя бібліятэкі ў асобах”.
