28 лістапада ў Нацыянальнай бібліятэцы адбыўся вэбінар са спецыялістамі абласных бібліятэк Беларусі па пытаннях фарміравання электронных калекцый НББ для публічнага доступу і ролі рэстаўратара пры іх стварэнні.
З прывітальным словам да ўдзельнікаў звярнуўся Уладзімір Кузняцоў, начальнік цэнтра алічбоўкі і забеспячэння захаванасці бібліятэчных дакументаў.
Загадчыца сектара аддзела фарміравання электроннай бібліятэкі Аксана Буйчык у сваім дакладзе азнаёміла прысутных з электроннымі калекцыямі НББ у сферы культуры і мастацтва і іх роллю ў папулярызацыі нацыянальнай культурнай спадчыны.
Загадчыца сектара аддзела рэстаўрацыі і кансервацыі бібліятэчных дакументаў Вольга Ісаева разгледзела асаблівасці неабходных рэстаўрацыйных работ перад сканаваннем і фарміраваннем электроннай копіі бібліятэчнага дакумента.
У вэбінары ўзялі ўдзел кіраўнікі і супрацоўнікі Нацыянальнай і абласных бібліятэк.
Матэрыял пададзены цэнтрам алічбоўкі і забеспячэння захаванасці бібліятэчных дакументаў.