22 снежня ў "алмазе ведаў" адбыўся грандыёзны навагодні спектакль “Цуда-казка ПРА.замароз.Ку” для дзяцей супрацоўнікаў бібліятэкі.
Неверагодная гісторыя з першай секунды прымусіла маленькіх гледачоў адчуць сябе героямі казкі. Чароўную атмасферу на працягу ўсяго паказу стваралі казачныя персанажы. Зімовы чараўнік Дзед Мароз са сваімі маленькімі памочнікамі прайшлі праз самыя неверагодныя і захапляльныя прыгоды. Гледачы пераадолелі мноства перашкод, каб дапамагчы галоўным героям перамагчы зло і яшчэ раз усвядоміць, што шчырасць і добрае сэрца здольныя змяніць да лепшага нават самых заўзятых злодзеяў!
Музычная праграма, яркія касцюмы і шчырыя ўсмешкі стварылі атмасферу сапраўднага чараўніцтва і не пакінулі абыякавым нікога, хто прыйшоў на свята.
Матэрыял пададзены аддзелам сувязей з грамадскасцю.