24 кастрычніка ў бібліятэцы адбылася тэматычная сустрэча з адвакатам на тэму “Жыллёвыя правы грамадзян”.
Перад прысутнымі выступіў Максім Сяргеевіч Церашкоў, член Мінскай абласной калегіі адвакатаў, адвакат адвакацкага бюро “Брагінец і партнёры”, медыятар, суаўтар інфармацыйна-аналітычнай праграмы “Белорусское времечко” на тэлеканале “Беларусь 1”.
Удзельнікі атрымалі асноўныя веды аб жыллёвых правах грамадзян у рамках дзеючага заканадаўства Рэспублікі Беларусь, змаглі задаць пытанні па аплаце жыллёва-камунальных паслуг (ЖКП), адказнасці службаў жыллёва-камунальнай гаспадаркі пры рамонце жыллёвага фонду, льготах па аплаце ЖКП, а таксама прадастаўленні жыллёвых субсідый на аплату ЖКП для асоб, не занятых у эканоміцы краіны.
У рамках мерапрыемства экспанавалася тэматычная выстаўка літаратуры з фондаў Нацыянальнай бібліятэкі Беларусі.
