Для Нацыянальнай бібліятэкі Беларусі і арганізацый-партнёраў па віртуальнай чытальнай зале прадоўжаны тэставы доступ да базы даных “ПОЛПРЕД”.
Паўнатэкставая база даных фарміруецца з аналітыкі і аглядаў прэсы, якія рыхтуюцца Міністэрствам замежных спраў і Міністэрствам эканомікі і развіцця Расійскай Федэрацыі, рускамоўнымі агенцтвамі навін, вядучымі СМІ і профільнымі выданнямі. База даных “ПОЛПРЕД” таксама ўключае замежныя і айчынныя даведачныя рэсурсы па лагістыцы, мытнай справе, гандлёвым праве, падатках, адукацыі, СМІ, турызме, культурнай спадчыне, міграцыі і інш. Уся інфармацыя групуецца па галіновых і краіназнаўчых калекцыях.
Акрамя гэтага, база даных змяшчае адрасна-даведачную інфармацыю пра 150 000 дзяржчыноўнікаў і прадпрымальнікаў у Расіі і за мяжой.
Доступ да базы даных “ПОЛПРЕД” прадоўжаны па 01.10.2010 г.
