26 снежня ў дзіцячым пакоі Нацыянальнай бібліятэкі Беларусі адбудуцца творчыя заняткі на тэму “Калядная зорка”, на якіх дзеці пазнаёмяцца з тэхнікай арыгамі.
Для стварэння вырабаў юныя майстры атрымаюць нарыхтоўкі з каляровай паперы. На занятках дзеці змогуць удасканаліць навыкі працы з паперай, клеем, асвоіць элементы тэхнікі арыгамі.
Нашы заняткі прынясуць дзецям радасць і створаць святочны пераднавагодні настрой!
У праграме таксама прадугледжаны рухавыя гульні і прагляд мультфільма. Заняткі праводзяцца бясплатна. Усімі мастацкімі матэрыяламі хлопчыкі і дзяўчынкі будуць забяспечаны.
Запрашаюцца дзеці 4–9 гадоў.
Час правядзення заняткаў: 12.00–13.30.
