Генеральны дырэктар Нацыянальнай бібліятэкі Беларусі Вадзім Гігін 12 жніўня правёў пазнавальную экскурсію па “скарбніцы ведаў” для 24 фіналістак конкурсу “Міс Беларусь” і пазнаёміў іх з гісторыяй бібліятэкі, архітэктурнымі асаблівасцямі і мастацкім афармленнем будынка.
Каб атрымаць асалоду ад прыгажосці наваколля і палюбавацца Мінскам з вышыні птушынага палёту, удзельніцы конкурсу падняліся на аглядную пляцоўку бібліятэкі.
Крыху пазней Вадзім Францавіч правёў для дзяўчат адкрыты ўрок па гісторыі Беларусі з кароткім аглядам падзей мінулых і сённяшніх дзён.
Наведванне Нацыянальнай бібліятэкі стала для фіналістак конкурсу “Міс Беларусь” цікавым і пазнавальным вопытам, які дапаможа пашырыць веды аб культуры і гісторыі краіны.
Матэрыял пададзены аддзелам сувязей з грамадскасцю.