16 кастрычніка дзіцячы пакой Нацыянальнай бібліятэкі Беларусі запрашае дзяцей на творчыя заняткі з цыкла “Нетрадыцыйныя спосабы выяўлення”.
Маленькія ўдзельнікі змогуць стварыць кампазіцыю “Восеньская пара – вачэй зачараванне” з дапамогай розных відаў паперы, сурвэтак, круп, ваты і іншых нетрадыцыйных сродкаў малюнка.
На занятках хлопчыкі дзяўчынкі навучацца працаваць з рознымі відамі паперы, крупамі, ствараць выявы з сурвэтак і ватных дыскаў. Разнастатнасць мастацкіх сродкаў дазволіць ім паэксперыментаваць, дасць прастор для фантазіі, дапаможа рэалізаваць свае творчыя здольнасці.
Падчас мерапрыемства будуць арганізаваны рухавыя гульні, віктарыны, чытанне вершаў, прагляд мультфільмаў.
Заняткі праводзяцца бясплатна. Усімі мастацкімі матэрыяламі хлопчыкі і дзяўчынкі будуць забяспечаны.
Запрашаюцца дзеці 5–8 гадоў.
Час правядзення заняткаў: 12.00–13.30.