З 1 сакавіка па 3 красавіка ў аддзеле абслугоўвання афіцыйнымі дакументамі (2-гі паверх, пам. 207) адкрыта тэматычная выстаўка “Разнастайнасць і прыгажосць дзікай фаўны і флоры”, прысвечаная Сусветнаму дню дзікай прыроды.
Гэты Дзень быў абвешчаны 20 снежня 2013 года на 68-й сесіі Генеральнай асамблеі Арганізацыі Аб’яднаных Нацый (рэзалюцыя – A/RES/68/205) і штогод адзначаецца 3 сакавіка.
Сусветны дзень дзікай прыроды закліканы звярнуць увагу чалавецтва на разнастайнасць і прыгажосць дзікай фаўны і флоры. З’яўленне падобнага свята абумоўлена разуменнем неабходнасці захавання біялагічнай разнастайнасці на планеце. Празмернае выкарыстанне прэснай вады, энергетычных рэсурсаў, масавая высечка лесу і іншыя віды дзейнасці чалавека аказваюць разбуральнае ўздзеянне на навакольнае асяроддзе, жывёльны і раслінны свет і паступова вядуць нашу планету да незваротных наступстваў у экалагічнай, сацыяльнай, эканамічнай і іншых сферах.
Скарачаюцца месцы рассялення звяроў і птушак, іх кармавая база. З прычыны браканьерства і нерацыянальнага палявання многія ўнікальныя віды дзікай прыроды наблізіліся да мяжы поўнага знікнення. Свет, які акружае нас, мае патрэбу ў абароне, таму клопат аб захаванні колькасці знікаючых відаў фаўны і флоры, змена поглядаў на дзікую прыроду, адмова ад спажывецкіх адносін і ілжывага ўспрымання бязмежнасці прыродных багаццяў – найбольш актуальныя задачы, якія стаяць перад чалавекам у сённяшніх рэаліях.
Кожнае пакаленне нясе адказнасць за захаванне дзікай прыроды для нашчадкаў – такі пасыл Сусветнага дня дзікай прыроды. Правядзенне гэтага Дня – нагода ў чарговы раз нагадаць грамадству пра неабходнасць зладжаных дзеянняў у захаванні знікаючых відаў і іх біялагічнай разнастайнасці як на міжнародным, так і на нацыянальных узроўнях. Тэма Дня 2018 года – “Вялікія кошкі: драпежнікі пад пагрозай”.
Дата правядзення Сусветнага дня дзікай прыроды была абраная не выпадкова – у гэты дзень ў 1973 годзе была прынята Канвенцыя аб міжнародным гандлі відамі дзікай фаўны і флоры, якія знаходзяцца пад пагрозай знікнення (СІТЕС). Гэтая канвенцыя стала адным з самых буйных пагадненняў па ахове дзікай прыроды. Яе мэта – кантроль за браканьерствам, міжнародным гандлем знікаючымі экзэмплярамі як жывёл, так і раслін. Браканьерства і незаконны гандаль аб’ектамі дзікай прыроды – найважнейшая невырашаная праблема нашага часу. Паводле ацэнак экспертаў, міжнародны абарот ад гэтага гандлю дасягае 17 млрд еўра штогод. Пад абаронай СІТЕС знаходзяцца прыкладна 5 800 відаў жывёл і 30 000 відаў раслін.
На сённяшні дзень бакамі СІТЕС з’яўляюцца 183 дзяржавы. Рэспубліка Беларусь –адзін з бакоў Канвенцыі са снежня 1994 года. У нашай краіне 52 віды жывёл і 35 відаў раслін падпадаюць пад дзеянне Канвенцыі СІТЕС і ўнесены ў дадаткі I і II гэтага дакумента. Праблема захавання міру дзікай прыроды займае важнае месца ў экалагічнай палітыцы Беларусі. У рэспубліцы прыняты і ўступілі ў дзеянне законы “Аб ахове навакольнага асяроддзя”, “Аб раслінным свеце”, “Аб жывёльным свеце”, шэраг іншых нарматыўных прававых дакументаў, закліканых забяспечыць прававую і эканамічную аснову захавання і ўстойлівага выкарыстання біялагічнай разнастайнасці.
На выстаўцы прадстаўлена больш за 100 дакументаў на рускай і англійскай мовах: кнігі, брашуры, перыядычныя выданні, буклеты.
Экспазіцыя ўключае наступныя тэматычныя раздзелы:
- Дзікія жывёлы, рэдкія і знікаючыя віды жывёл
- Дзікарослыя расліны, рэдкія і знікаючыя віды раслін
- Ахова жывёльнага і расліннага свету
- Міжнародныя прававыя дакументы па ахове дзікай прыроды
- Чырвоныя кнігі
- Развіццё і падтрыманне асабліва ахоўных прыродных тэрыторый (запаведнікаў, нацыянальных паркаў, заказнікаў і інш.)
- Дзікая прырода Рэспублікі Беларусь
Выстаўка будзе цікавая біёлагам, заолагам, эколагам, спецыялістам у галіне лясной гаспадаркі, прыродакарыстання і аховы навакольнага асяроддзя, навуковым работнікам, аспірантам, студэнтам, а таксама ўсім тым, хто цікавіцца праблемай захавання дзікай прыроды і біялагічнай разнастайнасці нашай планеты.
Карысныя спасылкі
- Веб-сайт Сусветнага дня дзікай прыроды
- Сусветны дзень дзікай прыроды
- Секрэтарыят Канвенцыі аб міжнародным гандлі відамі дзікай фаўны і флоры (СІТЕС)
- Прэс-рэліз аб абвяшчэнні Дня
- Праграма ААН па навакольнаму асяроддзю (ЮНЕП)
- Мэта 15 Парадку дня ў галіне ўстойлівага развіцця: захаванне экасістэм сушы
- Фотаальбом “Сусветны дзень дзікай прыроды”
- Відэа кампаніі Упраўлення ААН па наркотыках і злачыннасці “Пара ўспрымаць злачынствы супраць дзікай прыроды ўсур’ёз”
Дакументы
