З 7 красавіка да ўвагі карыстальнікаў прадстаўлена пастаянна дзеючая віртуальная выстаўка “Мы – за здаровы лад жыцця!”.
У здаровым целе – здаровы дух, а спорт – адзін са спосабаў захаваць здароўе змоладу і падтрымліваць яго ў сталым узросце. Калі ваш штодзённы комплекс практыкаванняў складаецца з ранішняй прабежкі за тралейбусам і нахілах да экрана камп’ютара – наша віртуальная выстаўка дазволіць вам зірнуць на заняткі фізкультурай з новага ракурсу.
Віртуальная экспазіцыя “Мы – за здаровы лад жыцця!” змяшчае выяўленчыя дакументы і кнігі з фондаў Нацыянальнай бібліятэкі, сістэматызаваныя па сямі раздзелах.
Прадстаўленыя дакументы даюць магчымасць пазнаёміцца з рознымі методыкамі і комплексамі фізічных практыкаванняў, а таксама даведацца, як умацаваць мышцы і імунную сістэму, аздаравіць сэрца і сасуды, палепшыць зрок і пазбавіцца ад маршчын без уколаў і падцяжак, стаць уладальнікам ідэальнай фігуры ўсяго за 10-15 хвілін у дзень і многае інш. Будучыя бацькі і маладыя мамы знойдуць на выстаўцы кнігі, якія дапамогуць заставацца ў форме падчас цяжарнасці і навучаць, што трэба рабіць, каб малыш вырас здаровым і дужым.
Віртуальная выстаўка падрыхтавана сектарам абслугоўвання дакументамі па выяўленчым і відовішчных мастацтвах аддзела абслугоўвання спецыялізаванымі фондамі.
Тэлефон для даведак: (8 017) 293 27 53.
Чытайце таксама пра іншыя віртуальныя выстаўкі бібліятэкі: