У Мінску выпусцілі значок, прысвечаны выдатнаму беларускаму пісьменніку Уладзіміру Караткевічу (1930–1984), якому сёлета споўнілася б 90 гадоў з дня нараджэння.
Значок вельмі прыгожы, зроблены з латуні. На ім адлюстраваны партрэт Уладзіміра Караткевіча, герб Оршы і гады: 1930–2020, а таксама лічба 90. Значок выпушчаны дзякуючы мастаку Мікалаю Міронаву і фундатару Алесю Сярожкіну.
Дарэчы, гэта самы лепшы і арыгінальны значок, прысвечаны Уладзіміру Караткевічу з тых чатырох значкоў, якія выпускаліся ў мінулыя гады. Выява Уладзіміра Караткевіча таксама была адлюстравана і на керамічным медалі.
Крыніца: Радыё Рацыя
