28 мая 2009 года Нацыянальную бібліятэку Беларусі наведала дэлегацыя Дзяржаўнага савета Султанату Аман на чале са старшынёй Ях’ёй бен Махфудам аль-Мандтэры.
У будынку Нацыянальнай бібліятэкі Беларусі ганаровых гасцей вітаў дырэктар Раман Сцяпанавіч Матульскі. Члены дэлегацыі пазнаёміліся з дзейнасцю ўстановы як інфармацыйнага і сацыякультурнага цэнтра рэспублікі, сістэмай работы з чытачамі, структурай чытальных залаў, архітэктурай новага будынка бібліятэкі, афармленнем яго інтэр’ераў. У музеі кнігі спадар Ях’я бен Махфуд аль-Мандтэры пакінуў памятны запіс у кнізе ганаровых гасцей.
Напрыканцы экскурсіі госці мелі магчымасць палюбавацца прыгажосцю сталіцы з агляднай пляцоўкі бібліятэкі.
 |
 |
 |
