30 мая ў Нацыянальнай бібліятэцы Беларусі прайшло выязное пасяджэнне Рэспубліканскага міжведамаснага савета па правах інвалідаў.
У мерапрыемстве ўзялі ўдзел члены савета і прадстаўнікі рэспубліканскіх органаў дзяржаўнага кіравання, аблвыканкамаў і Мінскага гарвыканкама.
Удзельнікі пасяджэння азнаёміліся з умовамі Нацыянальнай бібліятэкі для доступу інвалідаў і фізічна аслабленых асоб да інфармацыйных рэсурсаў і паслуг, сацыякультурных мерапрыемстваў, з магчымасцямі атрымання бібліятэчна-інфармацыйных і сацыякультурных паслуг не толькі ў чытальных залах, але і дыстанцыйна.
На пасяджэнні абмеркавалі выкананне Нацыянальнага плана па рэалізацыі Канвенцыі аб правах інвалідаў, рашэнняў Рэспубліканскага міжведамаснага савета па правах інвалідаў, актуальныя пытанні па стварэнні безбар’ернага асяроддзя жыццядзейнасці для інвалідаў і фізічна аслабленых асоб ва ўстановах культуры, пашырэнне доступу інвалідаў да інфармацыі, унеслі шэраг прапаноў аб удасканаленні працы.
Матэрыял пададзены аддзелам сувязей з грамадскасцю.