21 жніўня ў дзіцячым пакоі прайшлі творчыя заняткі "Гародніна на градцы", на якім хлопчыкі і дзяўчаткі навучыліся ствараць арыгінальны нацюрморт у тэхніцы аб'ёмнай аплікацыі.
Аснова кампазіцыі атрымалася з кардону і каляровай паперы. З сурвэтак, гафрыраванай паперы і фольгі дзеці зрабілі аб'ёмную моркву, цыбулю і буракі. Добрым дадаткам да нацюрморта стаў плоцік і траўка, якую ўдзельнікі заняткаў выразалі з каляровай паперы.
Замацаваць уяўленне аб навакольных прадметах дзецям атрымалася, разгадваючы загадкі і ўдзельнічаючы ў займальнай гульні “Збяры ўраджай”.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.