Віртуальная чытальная зала працягвае праводзіць семінары па прадстаўленні магчымасцей выкарыстання інфармацыйных рэсурсаў на платформе Web of Science.
28 лютага прэзентацыі адбыліся ў найбуйнейшых ВНУ рэспублікі: Беларускім дзяржаўным эканамічным універсітэце, Беларускім дзяржаўным педагагічным універсітэце імя Максіма Танка і Беларускім дзяржаўным універсітэце.
Ірына Ціханкова (Clаrivate Analytics) пазнаёміла ўдзельнікаў з інфармацыйнымі прадуктамі платформы Web of Science, а таксама акрэсліла самыя актуальныя тэмы для карыстальнікаў бібліятэк ВНУ: алгарытмы пошуку і аналізу навуковай інфармацыі на платформе, стварэнне і інтэрпрэтацыя справаздач па публікацыях і цытуемасці, стварэнне персанальных аўтарскіх профіляў вучоных у ResearcherID, падыходы да падбору і ацэнкі навуковых часопісаў для размяшчэння навуковых публікацый.
Усяго ў семінарах прынялі ўдзел больш за 120 слухачоў: прадстаўнікі рэктарата, прафесарска-выкладчыцкага складу, аспіранты і магістранты, супрацоўнікі ўніверсітэцкіх бібліятэк.
